Isra 1:5 - Udél Dwata: Gna Kesfasad ne Lomi Kesfasad

⁵ Tahu se, gotu le htifes yó kem tau fen malak bè ket tbong yó kem tau semfu gu bè Juda ne bè Bindyamin kkólen bè yó kem tau blóng ebè Dwata ne yó kem sfu Libay ne kdê yó kem dumu tau tendól Dwata lem hendem le. Tódô kdê le gotu htifes anì bud le mulék ebè Jirusalim na le e bud hdà yóm Gónô Dwata.

Isra 1:5 Referans Kwoze

Isra 1:1

Bè yóm hol tanay halay kogot Sirus yóm tau hol geta bè Pérsya, hdohò Dwata yóm tehe eles htulónen yóm sotu tehe tugoden ekni boluyen Jirimaya. Yó nmò Dwata, wen hefedemen ke Sirus anì wen snulaten mò hwiten ebè klamang yóm benwu snakufen. Yó kóyô Sirus bè nim sulaten ni ke hgel le semfala du bè gónón wen bè klamang yóm benwu nogoten. Yó snulaten, monen,

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

2 Kurin 8:16

Sotu gónóhu dmóyón ke Dwata, duhen bè yóm alì kegdufen ke Taytus mò fen tmóbóng kuy. Senged bè kum kehedem se yóm kun kehedem ebélê ye.

Nihimaya 2:12

ne laen kô dù tau tnulónu bè yóm hmò Dwata do bè Jirusalim. Tikóng sóól buteng btike ne hewae, wen hilu nwitu bè yó kem dumuhu mung do. Tek sotu kudà nwit me són yóm kudà asnu dou snakay.

2 Tutul Israél 36:22

Bè yóm hol tanay halay kogot Sirus yóm benwu Pérsya, hdohò Dwata yóm tehe eles htulónen yóm sotu tehe tugoden ekni boluyen Jirimaya. Yó nmò Dwata, wen hfedemen ke Sirus yóm tau hol geta anì wen snulaten mò hwiten ebè klamang yóm benwu snakufen. Yó kóyô Sirus bè nim sulaten ni ke hgel le semfala du bè gónón wen bè klamang yóm benwu nogoten. Yó nô lem yóm sulaten, monen,

3 Jan 1:11

Ó Wè Gayus, béem dnalang kóm yóm nmò sidek. Yó dé dnalangem yóm hyu. Yóm tau gel hyu nmoen, yó se yóm tau deng nfun Dwata. Yóm tau gel sidek nmoen, là kô tngónen du Dwata.

Kem Udél Hlalak Tehe Selumun 16:1

Lem hendem tau gónón lemwót yó kem atul, okóm Dwata yóm bemlay du kegbek hembaling du.

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

Isra 1:4

Bè yóm bud kulék le ebè Jirusalim ni kem tau ni, yó mò fen tmóbóng kul, duhen yó kem dumu le negef tolo tebel. Hol benlay le lu, kem blówón bukay ne tahu blówón, ne yó kem wen mu le du bè lan ne yó kem ógóf mò fen lemulón, hol néen yóm mò blay le bè yóm kun Gónô Dwata bè Jirusalim.” Yó se yóm udél snulat Sirus.

Hagay 1:14

Yó nmò Dwata, gotu gendufen kdéen tau anì mò le nmò bè Gónóen. Gendufen Sirubabél yóm gubérnor bè Juda ne Juswa yóm tau geta bè yó kem gel demsù ebè Dwata, dalang se yóm kdéen tau deng mulék gu bè Babilun. Tódô nbut le mò nmò bè yóm kun Gónô Dwata yóm Dwata laen dù là gbeken du, yóm Dwata hol kul gónó mogot.