Isra 1:4 - Udél Dwata: Gna Kesfasad ne Lomi Kesfasad

⁴ Bè yóm bud kulék le ebè Jirusalim ni kem tau ni, yó mò fen tmóbóng kul, duhen yó kem dumu le negef tolo tebel. Hol benlay le lu, kem blówón bukay ne tahu blówón, ne yó kem wen mu le du bè lan ne yó kem ógóf mò fen lemulón, hol néen yóm mò blay le bè yóm kun Gónô Dwata bè Jirusalim.” Yó se yóm udél snulat Sirus.

Isra 1:4 Referans Kwoze

1 Tutul Israél 29:3

Ne ni, lemwót bè yóm dou kegduf bè yóm Gónô yóm dou Dwata, tódô blayu bè Gónô Dwata yóm dou tahu blówón ne blówón bukay deng henyuhu mò tnù yó kem ngom yóm Gónô Dwata deng sentifunu.

Glasya 6:2

Hol tnóbóng ye kem dumu ye ke wen alì blat bélê le se kul. Ke yó se nmò ye, deng glolò ye ne yóm kun hlau Krays.

Kul Nmò 24:17

Deng tey hilu halayu ne là bud gemdà bè Jirusalim,” mon Pol. “Bè yóm lomi kógówu naw e eted yóm filak mò blay bè yó kem tau élél bè yó, ne wen tô hedsuu ebè Dwata.

1 Tutul Israél 29:17

Tngónu se, Dwata, gel henklolem yóm nô lem but blutut me, ne teyi hligal ke tonem yóm kgulit me. Nim kdê blayu ni, hol lemwót lem but blututu, ne deng hol tonu bè yó kem tauhem nô bè ni yóm hol kewóten lem but blutut le se kul yó kem blay le kóm, mung du yóm tey kehligal le.

1 Tutul Israél 29:9

Ya tey kehligal yó kem tau lemwót bè yóm hol kewóten lem but blutut le yó kem blay le ebè Dwata yó, dalang se ke Dabid, tey kehligalen se kun.

Isra 1:3

Yóm kdê ye kem kun tau Dwata tehe negef, hol ye bud mulék ebè Jirusalim bè benwu Juda na ye e bud hdà yóm kun Gónô Dwata yóm sana kuy Dwata hol gónó mogot kem tau Israél, yóm Dwata nô bè Jirusalim. Yó hem sana kuy Dwata tendo nô bélê ye.

Isra 1:5

Tahu se, gotu le htifes yó kem tau fen malak bè ket tbong yó kem tau semfu gu bè Juda ne bè Bindyamin kkólen bè yó kem tau blóng ebè Dwata ne yó kem sfu Libay ne kdê yó kem dumu tau tendól Dwata lem hendem le. Tódô kdê le gotu htifes anì bud le mulék ebè Jirusalim na le e bud hdà yóm Gónô Dwata.

2 Tutul Israél 31:14

Wen sotu tau boluyen Kuri ngà Imna, sotu sfu Libay gel mentey bè yóm bak tikeb Fi Dmata Kdaw, du se nélék le mò mólól du yóm kdê gel blay le ke Dwata, ne yó kem basa le du, ne yó kem deng hetfing le ebéléen.

Isaya 10:21

Angat wen he bè yó kem tau Israél bud semfulék ebè yóm kul Dwata laen dù là gbeken du yó.