Isra 1:3 - Udél Dwata: Gna Kesfasad ne Lomi Kesfasad

³ Yóm kdê ye kem kun tau Dwata tehe negef, hol ye bud mulék ebè Jirusalim bè benwu Juda na ye e bud hdà yóm kun Gónô Dwata yóm sana kuy Dwata hol gónó mogot kem tau Israél, yóm Dwata nô bè Jirusalim. Yó hem sana kuy Dwata tendo nô bélê ye.

Isra 1:3 Referans Kwoze

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Kul Nmò 10:36

Deng tngón ye yóm tulón hwit Dwata ebè yó kem tau Israél, duhen yóm Tulón Hyu mò lan tau mit sefyu ebéléen hlanen bè Jisas Krays, yóm hol gónó le mogot yóm kdéen tau.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Isaya 45:5

Ou se yóm Dwata hol gónó mogot. Laen kô dù dumu Dwata, són o. Béléu angat gónón lemwót yóm kgisem, balù yóm là ketngónem do.

Juswa 1:9

Ni hol monu mò kóm, hol hotuhem gelem ne hol hfólem nawam. Béi abay hlikò ne béi abay htakas, yakà ou du yóm sana kóm Dwata hol gónó mogot ne tendohe nô béléem balù kihu gónóm e solu.”

Dwata 32:31

Okóm yóm kul dwata yó kem hohon tekuy, là mkélen bè yóm kut Dwata kem tau Israél. Deng eles tngón yó kem hohon tekuy ne yóm yó.

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Kem Lingón 83:18

anì tngón le tek sónen uu Dwata, ne tek sónen uu yóm Hol Dandónen Geta mogot klamangen benwu.

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

1 Bok Kem Tau Hol Geta 8:23

ne mni bè Dwata, monen, “Ó Dwata, yóm kum Dwata yó kem tau Israél, laen kô dù dumu Dwata semnged kóm bè longit duhen ke dini talak tonok. Là kô klifótem du yóm tehe senfasad ye yó kem tauhem, ne là kóen monol yóm kbong nawahem kul ke hol lemwót lem but blutut le yóm kimón le kóm.

1 Bok Kem Tau Hol Geta 18:39

Timbow ton yó kem tau nim ni, tódô le gotu lemfen bè tonok, mon le, “Dwata se yóm hol tahu gónó mogot. Yóm hol gónó mogot hol tahu Dwata.”

Isra 1:4

Bè yóm bud kulék le ebè Jirusalim ni kem tau ni, yó mò fen tmóbóng kul, duhen yó kem dumu le negef tolo tebel. Hol benlay le lu, kem blówón bukay ne tahu blówón, ne yó kem wen mu le du bè lan ne yó kem ógóf mò fen lemulón, hol néen yóm mò blay le bè yóm kun Gónô Dwata bè Jirusalim.” Yó se yóm udél snulat Sirus.

Isaya 37:16

“Ó Dwata yóm Dwata laen dù là gbeken du, yóm hol kum gónó mogot kem tau Israél, yóm myón bè yóm gónóm kmamal geta senta yó kem gel hógówem nô bè yó. Tek sónen uu yóm Dwata. Gotu knamalem yóm klamangen. Uu se tehe dmimun tonok ne longit.

Isra 6:7

ne bê ye tlek hnala yóm kehdà le du. Tódô bayà ye bè yóm gubérnor bè Juda ne bè yó kem tau gel malak yó kem Ju anì bud hdà le bè yóm sana tehe gónón mdà.

Kem Lingón 132:13

Yakà deng nélék Dwata yóm benwu Jirusalim, kóyóen ke bè yó gónóhen nô.

Isaya 44:28

Ne ni, wen udélu ebè yóm sotu tau boluyen Sirus, monu mò du, ‘Angat wen tey hogotu kóm ne angat gotu nmoem yóm dou kóyô. Angat uu bud hefdà du yóm Jirusalim ne bud uu mbut hefdà du yóm Gónóu bè yó.’ ”