Isikél 47:9 - Udél Dwata: Gna Kesfasad ne Lomi Kesfasad

⁹ Balù kihu gónón e mlel nim él ni, angat le gotu mowil lemen yóm kdéen kay mowil gel nô lem él. Ne tey wen utón él nô lemen, yakà mlelen elemen nim él ni, henbalingen él hyu yóm él sidek khééten. Yó gónóm mon, balù kihu gónón e mlel nim él ni, angat gotu hlowilen yóm kdéen.

Isikél 47:9 Referans Kwoze

Kun Snulat Jan 6:63

Tek són yóm Tulus Dwata gembek hlowil tau. Bong yó dum lówó tau, bà udì ke wen gmoen. Kdê ni kem udélu ebélê ye ni koni, hlowilen tau abay se hono lemwót gu bè yóm Tulus Dwata.

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

Isaya 55:1

Yó udél Dwata, monen, “Ó kem tau meeng, géhél ye edini ne ni wen él mò ninum ye. Ó kem tau laen dù filak le, géhél ye edini ne ni wen mò ken ye. Géhél ye edini ne ni wen mò ninum ye. Là heblihu du kuy nim ni.

Kem Lingón 78:16

Wen él mlel hesfuten gu bè botu, ne yóm lel yóm él yó hol lómón ke lówó él.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

Kul Nmò 2:47

Ne là kóen skó yóm tendo kdóyón le ke Dwata. Laen se kô gónó le gemsanil kul yó kem dumu tau. Lemwót bè kun nmò yóm gónó le mogot, tódô ket kdawen gel temnù yó kem tau hemtahu bè Jisas.

Kul Nmò 2:41

Tey dê bélê le hemtahu bè yóm ktolok Pitér yó, ne hbabtays le. Bè yóm kdaw yó, wen dô tlu libu kwen le yóm bud temnù bè yó kem tau hemtahu bè Jisas.

Kun Snulat Jan 14:19

Móyón là bud ton le do ne kul yó kem tau là hemtahuhen,” mon Jisas, “okóm angat bud ton ye o yó dum kuy. Lemwót bè yóm bud klowilu, yó se gónó ye angat gmuta yóm klowil laen dù sónen.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Kun Snulat Jan 5:25

Tódô tulónu kuy ktahuhen, angat wen kdawen, ne deng duhen ni se, angat gungol yó kem tau deng matay yóm udél yóm Ngà Dwata. Sok gungol le, tódô le se bud mowil.

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Isaya 49:12

Tey mayuk gónó le gu lemwót. Lemwót le gu fi debwak ne fi desdef ne lemwót le gu bè benwu Aswan yó kem dumu, benwu hol fi leged.

Isaya 30:26

Yóm nóng bulón lómón ktatawen nóng kdaw. Ne yóm nóng kdaw alì mkay senta yóm gna gel knóngen. Ni se kmoen bè yóm kdaw angat kbulung Dwata du yó kem tehe halien kuy ne gotu hkóhen lu. Là gomongen bè nili yóm bérs 27 kól bè 33. Bud tulón Isaya yóm angat kkól Dwata mung du yóm tey sidek kebuten yó kem hohonen, kem tau Asirya. Ke uhayen eta le yóm sigelen alì kemgis mit du yóm ofi gónó meglà, mung du yóm hol yéen kulón bong, lel leték ne bulók kulón alì lembang mò na a gemlà kul. Bè yóm keglà yó kem hohon le, gotu le hligal semngal kdê yó kem tau Israél ne huni le yó kem tamburin le ne yóm sotu gel kenbit le. Yó monen bè bérs 33, “Yóm benwu Tufét, benwu gónó le gel mtem deng legen ne eles ketgama le du bè yóm tau hol geta bè Asirya, deng eles wen tey tumfuk koyu luduk le bè yó. Yó mò hdilóf du, yóm nawa gu lem bak Dwata, hol lómón ke ofi gu bè yóm bulul btù.”

Isaya 12:3

Yóm kul kligal yó kem tau deng lenwà Dwata, hol lómón kligal yóm tau alì sidek kleengen ke minum él tnaw.”

Kem Lingón 103:3

Gotu hnifóten kdê salau, ne gotu kóhen kdê desu.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

1 Kurin 15:45

Monen bè Sulat Dwata, “Yóm tanay tau boluyen Adam, nyuf Dwata lem baken, ominen yó he baling mowil.” Okóm ke Krays kun, yóm niba le hol són Adam, du se fen bemlay tekuy yóm klowil laen dù tul sónen.

Kul Nmò 21:20

Tey kdóyón le ke Dwata bè yóm kungol le du yóm tulón Pol kul. Ominen wen se kul tulón ke Pol, mon le, “Deng tódô kem tngónem ne kóó yóm deng tey hilu libu tau Ju deng hemtahu bè Jisas, okóm tolo alì mget klolò le du yóm hlau Musis.

Kul Nmò 6:7

Ne sónmoen tendo mból yóm udél Dwata, ne sónmoen se temnù tau hemtahu bè Jisas bè Jirusalim. Tey wen snéen kem tau demsù ebè Dwata baling hemtahu bè Jisas.

Kul Nmò 5:14

Senged nóm, deng sónmoen se temnù tau hemtahu bè Jisas, kem logi ne kem libun.

Kul Nmò 4:4

Bede tey dê bè yó kem tau deng mungol yóm ktolok le baling hemtahu. Setnù logi hemtahu gomong bè gnan, wen dô limu libu kwadag le.