Isikél 47:10 - Udél Dwata: Gna Kesfasad ne Lomi Kesfasad

¹⁰ Yó kem tau gel hmuket, angat le gotu sedà hilol kilil yóm Mohin Héét ni. Lemwót bè In-gidi tau mdà efet kól etu fi bwak bè yóm benwu In-iglaim, tódô sotu kun mbot byalahen. Angat tódô hnok byala mngal bè kdaw hilol kilil yóm mohin yó. Tódô ket kay utón angat nô lemen, lómón yóm alì kwen utón lem Mohin Miditiranyan.

Isikél 47:10 Referans Kwoze

Matyu 4:19

Tódô mon Jisas mò kul, “Ó kem tau hmuket, mung ye do ne. Wen tles hmou kuy, hebelu yu tau mò lemolò do.”

Kem Lingón 104:25

Senged se yóm tey mohin lamang, là kô gsóhem kul yó kem nô lemen, lenwóten bè lebangen kkólen bè leneken.

Mark 1:17

Tódô mon Jisas mò kul, “Ó kem tau hmuket, mung ye do ne. Wen tles hmou kuy, hebelu yu tau mò lemolò do.”

2 Tutul Israél 20:2

Wen kem tau mit tulón ebè Jihusafat, tulón le du, mon le, “Tey sendalù wen lemwót bè Idom mundug kóm hesut le gu sentu Mohin Héét. Deng le kól bè Hasason-tamar ne.” (Yó se sotu boluy le yóm benwu In-gidi)

Isaya 49:20

Yó kem ngà sut bè yóm benwu gónó le e megef kul, angat wen kdaw le mon du mò kóm, ‘Tey udì yóm benwu ni. Yake wen bud dumu gónó kuy nô dé.’

Isaya 49:12

Tey mayuk gónó le gu lemwót. Lemwót le gu fi debwak ne fi desdef ne lemwót le gu bè benwu Aswan yó kem dumu, benwu hol fi leged.

1 Samwél 23:29

Bud kewót Dabid bè yó, hebnos ditu bè In-gidi.

Juswa 23:4

Deng sket nólólu bè yó kem ból ye klamang nim tonok ni lenwóten bè Él Jurdan fi dmata kdaw efet kól bè Mohin Miditiranyan fi desdef. Yóm kul tonok yó kem tau deng hdó tekuy dalang se yóm kul tonok yó kem tau tolo tebel tahen deng gotu nólólu bélê ye.

Tekang Kbuten 14:7

Omin le bud semfulék ebè Kadis, yóm benwu bnoluy le Inmispat. Gotu gwa le klamang tonok yó kem tau Amalikayt, ne deng le bud matù bè yó kem tau Amurayt nô bè Hasasun Tamar.

1 Samwél 24:1

Bè yóm kulék le Sol gu bè yóm kesgida le yó kem Flistin, wen tmulón du deng bud kól Dabid bè yóm benwu laen hol wen tauhen boluyen In-gidi.