Isikél 37:3 - Udél Dwata: Gna Kesfasad ne Lomi Kesfasad

³ Omin Dwata smólók do, monen, “Ó Tau Tonok, gbek le bud baling tau kô ni kem tiol nii?” Bnalau se, monu, “Ó Dwata, yóm hol dandónen geta, tek són uu temngón du balaen yóm snólókem yó.”

Isikél 37:3 Referans Kwoze

Kun Snulat Jan 5:21

Yóm Mà, gbeken hlowil yó kem tau deng matay. Senged se kun yóm Ngaen, benlayen klowil yó kem tau nóyô hlowilen.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Sulat Pol Ebè Yó Kem Tau Hemtahu Bè Rom 4:17

Deng hsulat Dwata yóm tehe udélen ebè Abraham ekni, yóm monen, “Deng nmou uu mà yó kem tey dê kay but tau bè klamangen benwu.” Ne tahu se yó. Bè kton Dwata yóm kdéen tau hemtahu béléen, deng le gotu menmà bè Abraham ne. Nim Dwata gónó Abraham hemtahu ni, balù yóm tau deng matay, gbeken bud hlowil du. Balù kihu dlimunen, gbeken.

Hibru 11:19

Bè yóm tô kedsù Abraham yóm ngaen, yó hendemen gbek Dwata bud hlowil du balù ke deng matay. Bè ktahuhen, hol lómón ke deng tahu matay yóm ngaen, bede deng bud hlowil Dwata.

Kul Nmò 26:8

Moen de yóm kdê ye sbung bè ni ni ke alì mgel bélê ye hemtahu du ke gbek Dwata hlowil du yóm tau deng matay?

1 Samwél 2:6

Dwata se gónón lemwót yóm hatay ne bud du se gónón lemwót yóm klowil. Wen se tau hógówen ebè benwu yó kem deng matay ne wen se tau bud hlowilen.

Dwata 32:29

Ke hulung le hedem, deng sana dilô le ne buten yó kem gel gfà le. Ne eles tngón le ne gónón e kól yóm sidek gel nmò le.

1 Kurin 15:35

Déke wen sotu bélê ye tô smólók du, “Mò kmò klowil Dwata du yóm tau ke deng matay? Mò kmò angat klówó le du?”

Isikél 37:2

Nwiten ou hlalak lem yóm tey tiol deng legen, tódô tfeng datal. Tódô hgasà bè yóm datal yó yóm tey tiol wen.

Kem Lingón 88:11

Sentulón le ditu lem lebeng kô yóm là konol yóm kbong nawahem? Ditu bè gónó meglà, gbek le semtulón du kô yóm tey ktenebem bélê le?