Isikél 37:2 - Udél Dwata: Gna Kesfasad ne Lomi Kesfasad

² Nwiten ou hlalak lem yóm tey tiol deng legen, tódô tfeng datal. Tódô hgasà bè yóm datal yó yóm tey tiol wen.

Isikél 37:2 Referans Kwoze

Kem Lingón 141:7

Lómón yóm tau dmadu, gotu gomong senwóten yó kem botu, ne gotu bulét, lómón se yó kbulét tiol yó kem tau gel mò sidek, laen dù mdengen lembeng kul.

Isikél 37:11

Yó bud udél Dwata ebéléu, monen, “Ó Tau Tonok, ni kem tiol nii hnigaden yóm kdéen tau Israél. Yó tendo gel mon le, ‘Yóm klowil tekuy yóm kmoen ni, hol lómón ke tiol deng legen, laen dù bud nefet nawa tekuy ne, ne laen dù bud gónón e kól yóm klowil tekuy elem hulin kdaw.’

Isikél 37:1

Omin Dwata bud mogot do, yóm sana Dwata hol gónó mogot. Yó nmò yóm Tulusen, nwiten ou etu bè yóm datal tódô hono tiol.

Isikél 37:3

Omin Dwata smólók do, monen, “Ó Tau Tonok, gbek le bud baling tau kô ni kem tiol nii?” Bnalau se, monu, “Ó Dwata, yóm hol dandónen geta, tek són uu temngón du balaen yóm snólókem yó.”