Isikél 36:3 - Udél Dwata: Gna Kesfasad ne Lomi Kesfasad

³ Yó gónóm mon, Tau Tonok, eles tulónem yó kem bulul bè Israél yóm udél yóm sana Dwata hol dandónen geta, yó monen, Deng snibut nundug le yu yó kem hohon ye ne ni deng tey dê benwu mfun kuy. Tey kesedkà le kuy ne tey dê udél le eta ye.

Isikél 36:3 Referans Kwoze

Jirimaya 18:16

Yó gónóm mon, angat baling benwu laen dù tauhen nim benwu le ni, deng mom benwu kenhisik yó kem dumu tau. Tódô kdê yó kem tau angat mlan du, tey sidek ketnga le bè yóm tey kegbaen. Botong le hising bè yóm tey ketnga le.

1 Kurin 4:13

Sok wen semdekà kum, mom hyu gel balà me kul. Efet nim kmoen ni, yó kmò kehedem le kum, hol lómón ke tau laen dù muhen, lómón yóm fól gel bot le.

Danyél 9:16

Ó Dwata, lemwót bè yóm tey kehyu yóm tehe gel któbóngem kum, yó gónó me mni béléem anì béem bud lenbut ne yóm syudadem Jirusalim yóm kóm bulul. Lemwót bè yó kem salà me ne salà yó kem tehe fù me but gónó le alì hemnê yóm benwu Jirusalim ne yó kem tauhem yó kem tau menwu hmilol kum.

Jirimaya 52:1

Deng lewu folò sotu ne halay Sidikaya yóm kbalingen tau hol geta bè Juda. Ne sfolò sotu halayen kegenen mogot du ne bè Jirusalim gónóhen gel nô. Yó boluy yéen, duhen Hamutal ngà yóm sotu Jirimaya lemwót bè yóm benwu boluyen Libna.

Jirimaya 33:24

“Deng gungolem kô yóm gel mon yó kem dumu tau? Yó mon le, ‘Igò Dwata se deng mélék yó kem tau Juda ne yó kem tau Israél, mom tódô bayaen lu.’ Tey khisik le kul yó kem dou tau ne là bud dilô le kul sotu but benwu.

Jirimaya 24:9

Angat tey wen hlayam hwitu elem blóng le. Ne kdê yó kem dumu tau bè klamangen benwu, angat le gotu likò bè yóm kton le kul. Balù kihu benwu gónów e hógów kul, laen kô dù tau bud madat kul. Angat sendekà le lu ne senkbê le lu ne tendo henmulà le lu.

Kem Udél Hlalak Tehe Selumun 1:12

Na tekuy e kento hmatay kul, bê tekuy nmò mowil bélê le.

Kem Lingón 79:10

Moen du ke bayaem lu mudél yó kem tau bè tólóng benwu, yó kem tau là temngón kóm, yó udél le, “Nô se Dwata le du?” Hegfanem bélê me yóm kbelesem kul bè yóm khatay le yó kem tóbóng lówóhem.

Kem Lingón 69:12

Sentulón le ou bè gónón wen. Balù yó kem tau lengel, gel utóm le ou lingón.

Kem Lingón 61:1

Ó Dwata, hol hnungolem yóm kehtóbóngu béléem. Hnungolem yóm hnihu béléem.

Kem Lingón 35:25

Béi móyô ke mon le, “Wóyón dé, deng guta me yóm nóyô me. Hnatay me ne.”

Dwata 28:37

Yó kem tau nô bè yó kem benwu angat gónó Dwata e semkla kuy yó, tey sidek ketnga le bè yóm kton le du yóm tey gfà ye. Ne yó nmò le bélê ye, tey kehlowon le kuy ne tey kesedekà le kuy.

Jirimaya 2:15

Hol lómó kmò le ebélê le yó kem hohon le yó hol lómón ke mngel yó kem liyun. Yóm kul benwu yó kem tau Israél, deng mom nmò yó kem hohon le benwu là hyu menwu du. Deng tódô gbà yó kem syudad tehe gónó le nô, ne deng hol tahu gbayà.

Isikél 36:5

Ni se udél yóm sana Dwata hol dandónen geta, yó monen, Tey sidek kebutu kul yó kem benwu hmilol kuy, hol néen yóm benwu Idom. Yóm kebutu kul, hol lómón ke ofi gotu kenen kdéen, abay se deng tódô hton le yóm là kadat le do bè yóm deng kled le yóm dou tonok ne tey kehligal le bè yóm kled le du.

Ubadaya 1:13

Yake bê ye tehe kendel sut elem yóm syudad le bè yóm kdaw le alì glayam. Béen mom dê mon ye bè yóm deng kegbà klowil yó kem dumu ye. Deng gotu negef ye yóm kdê nô lem yó kem gónô tebel le ne deng ye baling mdengen bè yóm kdaw keglà le. Yake bê ye tehe nmò yóm yó.

Kem Lingón 79:4

Deng hennê le mi yó kem tólóng benwu hmilol, knuli le mi, lel le semdekà kum.