Isikél 34:8 - Udél Dwata: Gna Kesfasad ne Lomi Kesfasad

⁸ Safau bélê ye hlanu bè yóm là katayu, ou se yóm sana Dwata hol dandónen geta ne ni se yóm dou udél. Yó kem dou ubiha, deng tódô bayà hsék ye lu bè yó kem ógóf lem bnes. Igoen yu yó kem tau hesegyoku kul, moen de ke là hnebel ye kul yó kem dou ubiha deng lana? Són kuy knô yóm sen-gyok ye, fen mom henus ye yó kem dou ubiha.

Isikél 34:8 Referans Kwoze

2 Pitér 2:13

Angat gotu hulék Dwata eta le yóm sidek deng gel nmò le bè dumu tau. Ni kem tau ni, balù kemdaw sana kbeyen le mò du yóm kul knóyô lówó. Tey mungu ke segbót le mken bélê ye bè yóm gel kestifun ye, yó se gónó ye myak bè dumu tau. Lel le mken bélê ye he, lel le smukat kuy.

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

1 Kurin 9:15

Balù yóm kwen kwalisu hlowil bè yó kem tau gónóhu gel tmolok, ewenem yó, là dog kem nólómu du bélê le. Là kô yó du gónóhu smulat ebélê ye nim ni ke mò udélu hélé mni bélê ye. Mom hyu nawahu ke tódô kem hatayu kenusu, olo ke tô wen hnihu bélê ye. Là móyóe du ke wen nmou mò gónón gseng yóm Tulón Hyu nwitu.

Kul Nmò 20:33

Yóm kegenu tehe nô lem blóng ye,” monen, “là kóe na a deng mni filak bélê ye, duhen ke nes.

Isikél 34:31

Yu se yó kem dou ubiha, yóm tendo gel hótóbu. Hol yu se yó kem dou tau ne ou se yóm kuy Dwata, udél yóm sana Dwata hol dandónen geta.” Là gomongen bè nili yóm tsaptér 35. Yó tulónen bè yóm tsaptér ni yóm ktafak Dwata yóm benwu Idom.

Isikél 34:18

Là gsengel nawa ye du he kô yóm tey hyu gel nótób ye yó? Moen de ke bud sensdà ye yóm dù bnes là nótób ye du? Là gsengel nawa ye du kô yóm tey él tikaw gel ninum ye yó? Moen du ke bud lenbol ye yóm là ninum ye du?

Isikél 34:10

udél yóm sana Dwata hol dandónen geta. Yó kem tau hesegyoku ubiha yó baling hohonu lu, ntuku bélê le yóm gfà yó kem dou ubiha. Là bud hesegyoku du kul ne yó kem ubihahu anì laen dù bud gónó le ma mò ken le. Yó kem dou ubiha, lenwau lu lem hólól le anì là bud gken le kul.”

Kul Nmò 20:29

Tódô eles tngónu se,” mon Pol, “ke là bude nô bélê ye, angat wen sut lem blóng ye kem tau tmolok sekban. Yó kem tau yó, hol lómón ke ógóf lem bnes alì lóbô, gotu senkla le yu.

Isikél 34:7

Yó gónóm mon, yu kem tau tehe hesegyoku yó kem dou ubiha, hol hnungol ye yóm udél yóm sana Dwata hol gónó mogot.

Isikél 34:9

Yó gónóm mon, kem tau hesegyoku ubiha hol hnungol ye yóm udélu ebélê ye,

Isikél 36:4

Yó gónóm mon, kem bulul bè Israél, hol hnungol ye udél yóm sana Dwata hol dandónen geta. Mudél ebè yó kem bulul lemnek ne ebè yó kem bulul lembang ne ebè yó kem sbong ne ebè yó kem datal. Mudél ebè yó kem tonok, dalang se ebè yó kem syudad deng tódô gbayà alì hennê yó kem tólóng benwu hmilol, yó kem syudad deng negef le yó kem nô lemen.

Sikaraya 10:2

Abay se yó kem dwata kéng gel tnaba le bè gónô le, gel le tmulón kéng. Dalang se yó kem gel hemgawang, kéng yóm gel tulón le. Ne yóm lan kna gel tulón yó kem dumu tau, là tahuhen. Laen kô dù gónó le temgel nawa tau yóm kdê le. Yó gónóm mon, laen kô dù mdengen lan lolò le yó kem tau, mkél le bè yó kem ubiha tabag, laen dù tau mdengen semgyok kul ne malak kul.