Isikél 34:5 - Udél Dwata: Gna Kesfasad ne Lomi Kesfasad

⁵ Yó gónóm mon, tódô le gotu sekla yó kem dou ubiha lanen laen dù tau semgyok kul. Tey mahil bè yó kem ógóf lem bnes msék kul.

Isikél 34:5 Referans Kwoze

Matyu 9:36

Bè yóm gel ktonen yó kem tey tau wen gel sbung ebéléen, tey kkoduhen kul, abay se tey dê gónó le glayam, ne laen kô dù tmóbóng kul. Lómó ktonen kul, lómón yó kem ubiha laen dù tau mdengen semgyok kul.

2 Tutul Israél 18:16

Omin Mikaya mon du mò du, “Wen hton Dwata dou. Tódô tonu yóm kdéen tau Israél, deng le gotu sekla ta yó kem bulul lómón ke kem ubiha laen dù tau bud semgyok kul. Ne yó mon Dwata, ‘Laen dù tau malak kul ni kem tau ni, deng matay. Hulékem lu anì menek nawa le.’ ”

Isikél 34:8

Safau bélê ye hlanu bè yóm là katayu, ou se yóm sana Dwata hol dandónen geta ne ni se yóm dou udél. Yó kem dou ubiha, deng tódô bayà hsék ye lu bè yó kem ógóf lem bnes. Igoen yu yó kem tau hesegyoku kul, moen de ke là hnebel ye kul yó kem dou ubiha deng lana? Són kuy knô yóm sen-gyok ye, fen mom henus ye yó kem dou ubiha.

Jirimaya 23:2

Ni se bud udél Dwata yóm Dwata yó kem tau Israél, ebè yó kem tau tô halaken yó kem kun tau, monen, “Lemwót bè yóm deng kesekla ye kul yó kem dou tau deng mom lo ye lu, là kô dog sen-gyok ye kul, yó gónów tmafak kuy bè yóm sidek deng nmò ye bélê le.

1 Bok Kem Tau Hol Geta 22:17

Omin Mikaya mon du mò du, “Wen hton Dwata do. Tódô tonu yóm kdéen tau Israél, deng le gotu sekla ta yó kem bulul lómón tô le kem ubiha laen dù tau mentey kul. Ne yó mon Dwata, ‘Deng matay yóm tau malak kul. Hulékem lu anì menek nawa le.’ ”

Kun Snulat Jan 10:2

Okóm yóm tau ke mlan bè bak tikeben, du se yóm tahu semgyok ubiha.

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Isikél 34:28

Là bud hnamfas le kul ne yó kem tólóng benwu, dalang se yó kem ógóf lem bnes là bud nsék le kul. Angat tey menek kbenwu le, laen dù bud hmikò kul.

Isikél 34:6

Deng le gotu tabag gu lem bulul ne. Deng le gotu sekla bè klamangen ne laen kô dù tau mebel kul.

Isikél 33:28

Angat gotu genbau yóm benwu le, henbalingu benwu là hyu menwu du. Ne nmou sónen yóm kul kgis tendo salù le. Yó kem bulul bè Israél nmou bulul meklos, laen dù tau gembek mlan du.

Isikél 33:21

Timbow deng sfolò lewu halayen yóm deng kegen le megef kum ebè Babilun, bè yóm glimuhen kdaw bè yóm gesfoloen bulón bè yóm halay yó, wen sotu tau mlóy lemwót gu bè Jirusalim mógów ebéléu yó tulónen do, monen, “Deng gwa kem hohon tekuy ne yóm syudad Jirusalim.”

Lista 27:17

yóm tau gbeken malak kul ebè gida anì là mkél le bè yó kem ógóf laen dù malak kul.”

Mark 6:34

Timbow le dmuung le Jisas, tódô glo le yó kem tey tau wen. Ya tey kkodu Jisas kul, abay se lómón tô le ubiha laen mdengen semgyok kul. Ominen tódô mbut tmolok kul bè yó, ne tey dê toloken kul.

Jirimaya 10:21

Yó kem tau gónó me galak laen kô dù mu le. Là kô le halak bè Dwata ne là kô hnebel le du yóm kun kóyô. Ni se yóm duón gónó le meglà yó kem tau nalak le ne gónó le gotu sekla.