Isikél 34:4 - Udél Dwata: Gna Kesfasad ne Lomi Kesfasad

⁴ Là kô dog ten-gel ye kul yó kem lunog. Là se kô bnulung ye kul yó kem wen desen. Là kô dog bnaus ye kul yó kem tfok bélê le. Là se kô hnebel ye kul yó kem deng tabag dalang se yó kem deng tlas. Deng mom yó nmò ye, tendo danda dók ye lu ne lel ye hemsidek kul.

Isikél 34:4 Referans Kwoze

Matyu 9:36

Bè yóm gel ktonen yó kem tey tau wen gel sbung ebéléen, tey kkoduhen kul, abay se tey dê gónó le glayam, ne laen kô dù tmóbóng kul. Lómó ktonen kul, lómón yó kem ubiha laen dù tau mdengen semgyok kul.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.

Matyu 10:6

Yó gónó ye e mógów ebè tu kem kwen tekuy tau Israél, abay se hol lómón tô le ubiha tabag.

Hibru 12:12

Duhen yó, baluen ke là bud ye gel tô gbala, duhen ke mahil megdódól nawa ye, bê ye abay htakas sen, hol hgel ye nawa ye dé.

2 Kurin 1:24

Là kô nubug me kuy bè yóm kuy kehtahu. Kaem deng sana tngón me deng mbegel ne kehtahu ye. Okóm yó dé kóyô me ke wen lan me tmóbóng kuy anì hol temnù yóm kligal ye.

Jirimaya 8:22

Laen dù bud bulung kô ditu bè benwu Gilyad? Laen dù bud tau mulung bè yó kô? Moen se ke laen dù hkó du yó kem halì yó kem tauhu?”

Matyu 24:49

Ne nbuten mfes yó kem dumuhen gel mò nmò, ne fen hebsow mken ne hlengel minum kun.

Matyu 21:35

Timbow le kól ditu yó kem tau dóken, deng mom yó nmò le bélê le, tódô sensogot le lu. Tey sidek kboug le yóm sotun, ne hnatay le yóm sotuhen, ne sentudà le botu yóm sotuhen.

Jirimaya 22:13

Yó udél Dwata, monen, “Megtafak kun ke Jihuyakim. Hdaen yóm kun gónô bong mlan bè alì kdanda kdóken yó kem tau. Balù udì se ke snukéyen lu. Balù yóm tey ktilob yó kem dfél hmoen, okóm sal lemwót bè là ktedengen lanen gmaga mdók yó kem tau hmoen du.

Isaya 1:5

Moen de ke tendo gel knogol ye Dwata? Móyô ye bud tnafak kô? Tey kem tau Israél, bè ktonu kuy lómón ke deng tfeng halì kulu ye. Là buden hyu knawa ye ne kehedem ye.