Isikél 34:2 - Udél Dwata: Gna Kesfasad ne Lomi Kesfasad

² “Ó Tau Tonok, eles tugodem do yóm udélu ebè yó kem tau semgyok yó kem dou ubiha, duhen yó kem tau malak yó kem dou tau Israél. Tulónem kul yóm udélu, udél yóm sana Dwata hol dandónen geta, monem mò kul, Yu kem tau malak bè Israél, deng ye golu elem hatay ne. Són olo sen-gyok ye són yóm kuy knô, là kô dog olò sen-gyok ye kul yó kem dou ubiha nalak ye.

Isikél 34:2 Referans Kwoze

Jirimaya 23:1

Yó udél Dwata, monen, “Ya tey sidek angat ktafaku kul yó kem tau gónó le gel galak yó kem dou tau, abay se deng gotu hensidek le yó kem tau hesegyoku kul ne deng gotu senkla le lu.”

Jirimaya 3:15

Angat suu lem blóng ye yó kem tau temngón ne hulung hedem mò malak kuy, kem tau tendo gel mimón dou.

Isaya 40:11

Tey hyu yóm angat kesegyoken kul, lómón yóm tau hyu kesegyoken yó kem ubihahen. Gel sentifunen yó kem ngà ubihahen ne gel sniwihen lu. Ne hen-ganagen malak yó kem yê le.

2 Pitér 2:3

Lemwót bè yóm kebel le filak, tey dê gel tulón le kuy hono kem tulón lemambù. Deng legen ne eles kbuteng Dwata du ne yóm angat ktafaken kul. Són féten, là dengen hto he yóm butengen mò du.

Jirimaya 10:21

Yó kem tau gónó me galak laen kô dù mu le. Là kô le halak bè Dwata ne là kô hnebel le du yóm kun kóyô. Ni se yóm duón gónó le meglà yó kem tau nalak le ne gónó le gotu sekla.

Sulat Pol Ebè Yó Kem Tau Hemtahu Bè Rom 16:18

Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

Kul Nmò 20:29

Tódô eles tngónu se,” mon Pol, “ke là bude nô bélê ye, angat wen sut lem blóng ye kem tau tmolok sekban. Yó kem tau yó, hol lómón ke ógóf lem bnes alì lóbô, gotu senkla le yu.

Kul Nmò 20:26

Tódô tulónu kuy ktahuhen bè nim kdaw ni, ke wen bélê ye hetlas, laen kô dù bud dou du ne,

Jirimaya 2:8

Yó kem tau gel blóng ebéléu balù udì se ke mon le, ‘Nô se Dwata du?’ Yó kem tau gel kmukum là kô bud tngón le dou. Yó kem tau mogot benwu deng mom knogol le ou. Ne yó kem tau gel tugodu deng le mom tmugod bè Baal. Tmaba le ebè yó kem dwata lenbù nmò le, yóm laen dù muhen.

Isikél 33:24

“Ó Tau Tonok, yó tendo udél yó kem dù tau menwu bè yó kem syudad deng gbà bè Juda, mon le, ‘Tek sotuhen se kun yóm Abraham. Baluen ke tek sónen du, béléen gónó Dwata bemlay du yóm klamang tonok. Ne ni, deng tekuy baling dê, yake blayen tekuy yóm tonok ni mò nfun tekuy.’

2 Samwél 5:2

Bè gnan kdaw bè yóm tolo kogoten tekuy Sol, uu se tehe malak yó kem tau Israél ebè gida. Ne yó tehe udél Dwata ebéléem, monen, ‘Uu se angat semgyok kul yó kem tauhu Israél, ne uu se angat malak kul.’ ”

Kun Snulat Jan 10:8

Yó kem tau tmolok sekban gu laanu là deng kól dini, hol lómón ke lu se yó kem tau mnagaw. Okóm yó kem dou ubiha, là kô hnungol le kul.

2 Kurin 12:14

Móyón bud nauyu yu ne, ni se getluhu dulék bud mauy kuy. Balù nim bud kógówu ni, là kóe na a hlowil bélê ye, abay se là kô filak du hendufu bélê ye. Yó dé hendufu ke gotu nawa ye dou, abay se lómón ke hol ngau yu. Là kô kem ngà du se yóm wen eles tgama le kem tuha le, mom yó ne kem tuha wen eles tgama le yó kem ngà le.

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

Isikél 34:1

Ominen wen bud udélen ebéléu yóm sana Dwata hol gónó mogot, monen,

Isikél 34:14

Tahu se, angat tódô bayau lu mótób bè yó kem tey bnes bè yó kem bulul bè Israél. Bè yó tódô gónó le henek hlilil ne mótób le bè yó kem tey tilob bnes gu ta bulul.

Isikél 34:15

Tódô ou ne semgyok kul yó kem dou ubiha, mebele bélê le mò gónó le hegnô, udél yóm sana Dwata hol dandónen geta.

Amus 6:4

Hatay ye se kuy, yu kem tau hegléd bè yóm gónón myón alì mebtes, tódô slibut hono kem kimu heklóón gu hilolen, kem tau tendo gel mutón ngà ubiha ne ngà safì.