Isikél 34:12 - Udél Dwata: Gna Kesfasad ne Lomi Kesfasad

¹² Yóm nmou bélê le, hol lómón yóm tau gel semgyok ubiha, gotu bud hnebelen yó kem ubiha deng sekla. Angat bud nebelu lu yó kem dou ubiha deng sekla ne lenwau lu gu bè yó kem benwu deng gónó le e sekla bè yóm gnan kdaw alì sidek kget kkifuhen.

Isikél 34:12 Referans Kwoze

Isaya 40:11

Tey hyu yóm angat kesegyoken kul, lómón yóm tau hyu kesegyoken yó kem ubihahen. Gel sentifunen yó kem ngà ubihahen ne gel sniwihen lu. Ne hen-ganagen malak yó kem yê le.

Kun Snulat Luk 19:10

Ni se yóm hol henduf yóm Ngà Tau,” mon Jisas, “nan e hnebel lu yó kem tau deng tlas anì gewà le lem salà le.”

Jirimaya 31:10

Ó kem kdéen tau bè klamangen benwu, hol hnungol ye yóm udél yóm sana Dwata hol gónó mogot. Hol heglalag ye etu bè kem benwu mayuk kilil mohin. Yó udél Dwata, monen, Deng tehe senklahu lu yó kem tauhu, okóm angat bud sentifunu lu, sen-gyoku lu lómón yóm tau gel sen-gyok yó kem ubihahen.

Sifanaya 1:15

Yó se yóm kdaw kehton Dwata du yóm alì ksidek kebuten, kdawen alì glayam tau, kdaw le meglà, laen kô dù bud gmò le, kdawen alì mget kkifuhen, kdawen alì mget klobunen,

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Kun Snulat Jan 10:16

Wen he yó kem dumu ubihahu là deng sentifunu kul ebè ni. Angat gotu nitu lu snéen ne angat hnungol le yóm dou udél. Tódô angat sensotuhu bung le yóm kdê ubihahu, ne tek sotuhu se yóm angat semgyok kul.”

Kem Udél Hlalak Tehe Selumun 27:23

Hol hentilobem gel semgifà kul yó kem safiem ne hol kenmónem yó kem dumu ógófem.

Jirimaya 23:3

Okóm yó angat nmou bè yó kem dou tau, gotu bud sentifunu lu yó kem dù tebel bè yó kem benwu deng tehe gónóhu e semkla kul. Gotu bud nwitu lu semfulék ebè yóm tehe kul benwu ne angat tey bud kból le bè yó.

Jirimaya 31:8

Tahu se,” mon Dwata, “angat bud nwitu lu semfulék lemwót gu tebwak ne bud sentifunu lu lemwót ditu bè són tonok. Angat le bud mung se kul yó kem tau butô ne yó kem tau tugô. Dalang se yó kem libun tolo mlutut ne yó kem libun móyón kmuleng blutut le. Angat tey kwen le bè yóm bud kesfulék le.

Jirimaya 33:12

Yó udél yóm Dwata laen dù là gbeken du, monen, “Yóm benwu là hyu bud menwu du nim kmoen ni, laen dù tauhen kkólen bè yó kem ógóf deng le gotu lana, angat bud wen kem tau semgyok ubiha nô du.

Sikaraya 10:3

Yó udél Dwata, monen, “Tey sidek kebutu kul yó kem tau semgyok yó kem ubihahu, angat tnafaku lu yó kem tau gel malak kul yó. Yakà dengen kól yóm Dwata laen dù là gbeken du nan e sen-gyok yó kem kun ubiha, duhen yó kem tau Juda. Angat tey kehekgisen kul, lómón yó kem kudà kemgis gel nwit le bè gida.

Sikaraya 9:16

Bè yóm kdaw yó, angat lenwaen yó kem tauhen yóm sana kul Dwata hol gónó mogot, lómón yóm tau semgyok ubiha, sal gel lenwaen yó kem ubihahen ke wen tô hemsidek kul. Yó kem tau Dwata yó, tódô le gotu semkyab lem yóm kun benwu, lómón kesekyab yóm botu sminang gel sù le bè kuruna.

Kun Snulat Luk 15:8

“Ne sotuhen,” mon Jisas, “wen sotu libun hemyu sfolò filak blówón alì mebtes. Mò kmoen du se ke sotu lana du? Yó nmoen, hentomen soloken, ne nunóhen gu tek seelen, ngangen ne smisif mebel du efet bud tonen.