Isikél 34:10 - Udél Dwata: Gna Kesfasad ne Lomi Kesfasad

¹⁰ udél yóm sana Dwata hol dandónen geta. Yó kem tau hesegyoku ubiha yó baling hohonu lu, ntuku bélê le yóm gfà yó kem dou ubiha. Là bud hesegyoku du kul ne yó kem ubihahu anì laen dù bud gónó le ma mò ken le. Yó kem dou ubiha, lenwau lu lem hólól le anì là bud gken le kul.”

Isikél 34:10 Referans Kwoze

Sikaraya 10:3

Yó udél Dwata, monen, “Tey sidek kebutu kul yó kem tau semgyok yó kem ubihahu, angat tnafaku lu yó kem tau gel malak kul yó. Yakà dengen kól yóm Dwata laen dù là gbeken du nan e sen-gyok yó kem kun ubiha, duhen yó kem tau Juda. Angat tey kehekgisen kul, lómón yó kem kudà kemgis gel nwit le bè gida.

Isikél 34:2

“Ó Tau Tonok, eles tugodem do yóm udélu ebè yó kem tau semgyok yó kem dou ubiha, duhen yó kem tau malak yó kem dou tau Israél. Tulónem kul yóm udélu, udél yóm sana Dwata hol dandónen geta, monem mò kul, Yu kem tau malak bè Israél, deng ye golu elem hatay ne. Són olo sen-gyok ye són yóm kuy knô, là kô dog olò sen-gyok ye kul yó kem dou ubiha nalak ye.

Hibru 13:17

Hol gel nimón ye yó kem tau gónó ye galak bè kehtahu ye, ne hol lolò ye yóm hlolò le kuy. Yakà lu du yóm tendo semflós tmanud kuy, abay se yóm ktanud le kuy yó angat snólók Dwata bélê le. Ke nimón ye lu, yó se gónón lingas nawa le mò nmò lem blóng ye. Okóm ke là, mom dalil gónón blat nawa le, ne laen se kô dù uléken yóm nmò le lem blóng ye.

Nahum 2:13

Yó udél yóm Dwata laen dù là gbeken du ebè Ninibi, monen, “Ou se deng hnohonem. Angat gotu ntemu yó kem klitun tók gel nit ye bè gida ne yó kem sendaluem angat le gotu matay bè sudeng. Laen dù bud negef ye ne bè dumu benwu. Laen dù bud benwu mungol du ne udél yó kem tau tehe gel dók ye ebélê le.”

Isikél 34:8

Safau bélê ye hlanu bè yóm là katayu, ou se yóm sana Dwata hol dandónen geta ne ni se yóm dou udél. Yó kem dou ubiha, deng tódô bayà hsék ye lu bè yó kem ógóf lem bnes. Igoen yu yó kem tau hesegyoku kul, moen de ke là hnebel ye kul yó kem dou ubiha deng lana? Són kuy knô yóm sen-gyok ye, fen mom henus ye yó kem dou ubiha.

Isikél 3:18

Ke yó eles hetgamahu yóm sotu tau gel mò sidek, monu, ‘Lemwót bè yóm sidek gel nmoem, hukolu klowilem.’ Okóm ke là dog tulónem du yóm eles hetgamahu du yó, angat matay yóm tau yó igoen tolo wen salà nô tahen. Ne uu gónóhu angat mtuk du yóm katayen yó.

Kem Lingón 23:5

Baluen ke deng le moni yó kem hohonu, mom htonem kul yóm kkayem dou ken. Lómón ke ou yóm tau hol nadatem mauy béléem. Laen selen yóm tey kligalu bè yóm nmoem béléu.

1 Pitér 3:12

Abay se yóm Dwata, là kô kó matahen du yó kem tau tedeng kmò le, ne sal gel henklinguhen yóm gel kni le béléen. Okóm yó kem tau gel mò sidek, hohonen lu.”

Isikél 34:22

Yó gónóm mon, ou ne angat lemwà kul yó kem dou ubiha anì laen dù bud tau hemsidek kul. Ne gotu knukumu lu yóm ket kul na sotu yóm kdê ubihahu.

Isikél 3:20

Sotuhen, ke deng baling mò sidek yóm tau tedeng kmoen ne ke là kô hnungolen du yóm eles hetgamahu du, angat hukolu klowilen. Ke là eles hetgamahem du yóm angat uléken yóm nmoen yó, angat matay yóm tau yó igoen tolo wen salà nô tahen, là bud hendemu du ne yó du kem hyu deng tehe nmoen. Ne angat tódô ntuku béléem yóm katayen yó.

Jirimaya 39:6

Bè yó bè Ribla tódô gotu hfatay Nibukadnisar yó kem ngà Sidikaya logi ne yóm kdê genlal bè Juda bè yóm igoen temngel.

Isikél 34:9

Yó gónóm mon, kem tau hesegyoku ubiha hol hnungol ye yóm udélu ebélê ye,