Isikél 3:9 - Udél Dwata: Gna Kesfasad ne Lomi Kesfasad

⁹ Eles hgelu kuluhem lómón kgelen botu. Yó gónóm mon béi abay hlikò bélê le. Ne béem abay knikò yóm gel ketngel le des, abay se kdê le hono tau là mimón do.”

Isikél 3:9 Referans Kwoze

Isikél 2:6

Béléem kóm, Tau Tonok, hol béi abay hlikò bélê le. Béem knikò yó kem dê gel udél le, baluen ke lómón ktelemen yó kem sual ne lómón kdesen ékét syufón. Béem abay knikò yóm gel ketngel le des, abay se hono le tau là mimón yóm kdê le.

Isaya 50:7

Okóm yóm kehnê le dou, là kô gehsideken do, abay se gel tnóbóngen ou yóm Dwata hol dandónen geta gónóhu mogot. Tódô henbalahu yóm nmò le béléu. Tngónu là kô wen gónóhu myak,

Sikaraya 7:12

Yóm kehedem le, hol lómón kgelen botu anì là gungol le du yó kem hlau yóm Dwata laen dù là gbeken du, duhen yó kem dumu udélen hlanen bè Tulusen ebè yó kem tehe tugoden ekni. Yó se gónón alì lembut kul yóm Dwata laen dù là gbeken du.”

Jirimaya 1:8

Béi abay hlikò bè yó kem tau, yakà tendohe nô béléem mò kemlung kóm. Ou se Dwata nim mudél ni.”

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

1 Timuti 2:3

Tey hyu se ke lómón ni yóm gel nmò te, ne tey hligal du Dwata snéen, yóm deng lemwà tekuy gu lem hatay.

Mika 3:8

Okóm béléu dou, deng sù Dwata béléu yóm kun Tulus ne yóm kun kfasang. Ne hetngónen do yóm kukum tedeng ne benlayen o là klikò tmulón du bè yó kem tau Israél yó kem salà le.

Jirimaya 17:18

Yóm kdê tau tendo hmayam do ni, hol henyakem lu ne hol benlayem lu klikò. Okóm benlayem ou kenek nawa yó dum do. Tahu se, Dwata, hol tennuem yóm hegfaem kul.

Jirimaya 1:17

Yó ne, Jirimaya, elesi htifes. Géhéli lemwót nam e tulón kul yóm kdê htulónu kóm. Béi abay hlikò bélê le. Ke likoi bélê le, bud tennuu he yóm klikoem yó ke mdai bè solu le, ne tey kebà nawahem.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

2 Timuti 2:6

Ne bud sotuhen, yóm tau alì glayam tmiba, bong knóón ke kninien yóm kun leniteg.

Jirimaya 15:20

Lómó kmou kóm lómón ke uu yóm beng tenwél alì mbegel. Ke wen mit kóm sfatay là kô le gemmò béléem. Tendohe nô béléem mò kemlung kóm anì laen dù hemenem. Ou se yóm sana Dwata hol gónó mogot nim mudél ni.

Isikél 3:8

Ngem, wen eles nmou béléem, Tau Tonok, bud hgelu se yóm kóm kulu mkél bélê le.

Isikél 3:10

Bud monen mò do, “Yó ne, Tau Tonok, hol eles hnungolem se kóm yóm udélu ebéléem ne hol gna suem bè nawahem yóm kdê tulónu kóm.