Isikél 3:7 - Udél Dwata: Gna Kesfasad ne Lomi Kesfasad

⁷ Okóm hógówu uu ebè yó kem tau Israél ne là kô na le e hnungol kóm. Balù sem ou du, là kô hnungol le do, abay se hono le tau mgel kulu yóm kdê le.

Isikél 3:7 Referans Kwoze

Kun Snulat Luk 10:16

Ne bud mudél Jisas bè yó kem lemolò du, yó monen mò kul, “Bè nim khógówu kuy ni, yó se hmungol kuy, lómón ke ou se yóm hnungolen. Yó se kembê kuy, hol lómón se ke ou yóm kenbéen. Ne ke kenbéen ou yóm tau, hol lómón ke kenbéen snéen yóm hógów dou.”

Isikél 2:4

Hono kem tau mgel kulu. Okóm hógówu uu ebélê le nam e tulón kul, monem, ‘Ni se udélen ebélê ye yóm sana Dwata hol dandónen geta.’

1 Samwél 8:7

Ne yó balà Dwata du, monen, “Hnungolem yóm kdê udél le ebéléem yó kem tau. Là kô uu du yóm deng kenbê le, kaem ou yóm kenbê le mò mogot kul.

Kun Snulat Luk 19:14

Okóm wen kem kun dumu menwu kmutó nawa du nim tau na a ma glalen ni. Gloken wen kem tau hógów le huli du ebè yóm tau hol geta, mon le mò du, ‘Là móyô me du kum ke fen geta bélê me nim tau nii.’

Kun Snulat Luk 13:34

Yu kem tau menwu bè Jirusalim, sal gel hnatay ye yó kem tau tugod Dwata, ne gel hnatay sentudà ye botu yó kem gel hógów Dwata ebélê ye. Deng hilu duléku ne tô móyô sembung kuy, lómón tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Isikél 3:6

Sundu ebè yó kem tólóng tau là tngónem du udél le. Bè ktahuhen, ke hógówu uu ebélê le kaem hnungol le uu.

Isikél 3:8

Ngem, wen eles nmou béléem, Tau Tonok, bud hgelu se yóm kóm kulu mkél bélê le.

Sikaraya 7:12

Yóm kehedem le, hol lómón kgelen botu anì là gungol le du yó kem hlau yóm Dwata laen dù là gbeken du, duhen yó kem dumu udélen hlanen bè Tulusen ebè yó kem tehe tugoden ekni. Yó se gónón alì lembut kul yóm Dwata laen dù là gbeken du.”

Jirimaya 6:10

“Ke eles tulónu kul nim udélem ni,” mon Jirimaya mò ke Dwata, “tau du se hmungol dou? Deng henseng le klingu le, là kô hnungol le du yóm udél htugodem dou, deng mom knuli le. Balù udì ke wen óyô le hmungol du.

Jirimaya 6:17

Deng tehe wen kem tau néléku mò mentey kuy. Yó udél le ebélê ye, ‘Angat wen uni féw gungol ye mò eles gónó ye temgama. Hol hnungol ye.’ Okóm mom yó balà ye kul, mon ye, ‘Là. Là kô me móyô hmungol du.’

Jirimaya 7:27

Duhen ni Jirimaya, hol tulónem yó kem dou tau nim udélu ni, okóm là kô hnungol le kóm. Ke tnabahem lu anì wen eles hetgamahem kul, là kô bnalà le kóm.

Sikaraya 7:11

Yó kem tehe fù ye ekni, là kô hnungol le du yóm udélu ni. Tey kehgel le kulu le, mom nseng le klingu le anì là gungol le du.