Isikél 3:4 - Udél Dwata: Gna Kesfasad ne Lomi Kesfasad

⁴ Ominen bud mon du mò do, “Yó ne, Tau Tonok, mógówi ebè yó kem tau Israél nam e tulón kul yóm udélu ebélê le.

Isikél 3:4 Referans Kwoze

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Matyu 15:24

Omin Jisas mudél ebè yóm libun, monen, “Tek són ebè yó kem tau Israél gónó Dwata e hógów dou, yakà mkél le bè yó kem ubiha tabag.”

Isikél 3:11

Ominem yó mógów ebè yó kem dumuhem deng negef ne monem mò kul, ‘Ni se udél yóm sana Dwata hol dandónen geta.’ Tulónem kul yóm udélu kihu ke hnungol le duhen ke là.”

Isikél 2:7

Hol tulónem kul yóm udélu ebélê le, kihu ke hnungol le duhen ke là. Okóm là kô na le e hnungol kóm, abay se hono le tau là mimón yóm kdê le.

Isikél 2:3

“Yó ne, Tau Tonok, hógówu uu ebè yó kem tau Israél ebè yó kem tau là mimón do. Yó kem tehe fù le ekni, tódô lenwóten bè kbuten yóm là kimón le do ne efet ni kmoen ni sana yó ne yóm là kimón le do.

Isikél 3:3

Yó monen mò do, “Kenem yóm kdéen.” Yóm kkenu du, hol lómón kmihen tneb.

Isikél 3:5

Là hógówu kóm ebè yó kem tólóng tau là tngónem du udél le, okóm hógówu uu ebè yó kem tau Israél.

Isikél 2:4

Hono kem tau mgel kulu. Okóm hógówu uu ebélê le nam e tulón kul, monem, ‘Ni se udélen ebélê ye yóm sana Dwata hol dandónen geta.’