Isikél 3:23 - Udél Dwata: Gna Kesfasad ne Lomi Kesfasad

²³ Tahu se, mógówe etu bè datal ne bè yó bud tonu yóm tey keklóón Dwata, hol lómón kmoen lómón yóm tehe ktonu du ditu bè kilil Él Kibar. Botonge gefen bè tonok yóm ktonu du.

Isikél 3:23 Referans Kwoze

Isikél 1:28

Yóm gu hilolen lómón ke wen léwés mnóng du, hol lómón yóm léwés gel gfan gu lem lobun ke kmulón. Yó se kmoen yóm klóón Dwata hono sminang deng hegfan béléu. Bè yóm ktonu du, botonge gefen bè tonok ne ominu mungol yóm mudél ebéléu.

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

Kul Nmò 7:55

Okóm ke Stéfén kun, tódô nô béléen yóm Tulus Dwata. Ne temngel ebè longit, tódô tonen yóm tey keslinang Dwata, ne tonen se Jisas mdà bè kwanan Dwata.

Deng Hegfan 5:14

Mudél se yó kem fat mtulus mdà bè yó, mon le, “Tey tahu se.” Ne lemwót se kul yó kem lewu folò fat tau tuha, gotu le bud hegdungul, ya tey kdóyón le ke Dwata ne yóm Ngà Ubiha.

Deng Hegfan 5:8

Timbow deng nwahen, tódô lemwót yó kem fat mtulus ne yó kem lewu folò fat tau tuha, gotu le hegluduk bè soluhen. Sket kul mogot heglung ne tukung blówón. Yó kem tukung blówón yó, tódô henok lemen yóm alì minggel boohen boluyen insinsu, yóm gel ntem le ebè Dwata. Yóm gel hboo le ebè Dwata yó, yó hnigaden yóm gel kni yó kem kun tau Dwata.

Deng Hegfan 4:10

lemwót yó kem lewu folò fat tau tuha, tódô le hegluduk bè soluhen, hasà le bè soluhen yóm kuruna blówón le, ne gbót dóyón le se kul yóm Dwata laen dù tul katayen yó, mon le,

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”

Lista 16:42

Bè yóm deng kestifun yó kem tau msel kul le Musis ne Aron yó, gotu le beklil smolu ebè yóm Gónô Dwata ne tódô ton le yóm lobun lememek etahen, mung du yóm tey slinang Dwata.

Lista 16:19

Omin Kura semtifun yó kem dumu tau Israél gel lemolò du ne mdà le bè bak dól yóm Gónô Dwata se kul. Tódô mekto sut bélê le yóm tey layag sminang lemwót gu bè Dwata

Juswa 5:14

“Là,” mon yóm tau yó. “Ou se kmandér bè yó kem sendalù Dwata.” Tódô lemfen bè tonok Juswa lanen heglaan knóen béléen, monen, “Ó Sér, ou se tau tóbóng lówóhem. Tedu se hmoem dou du?”