Isikél 3:21 - Udél Dwata: Gna Kesfasad ne Lomi Kesfasad

²¹ Okóm ke eles wen hetgamahem du yóm tau yó ne ke hegsel ne tenfloken yóm kmoen sidek, là kô hukolu du klowilen, dalang se kóm abay se deng nmoem yóm hmou kóm.”

Isikél 3:21 Referans Kwoze

1 Timuti 4:16

Hol tenngelem kmoem, ne hol tenngelem se ktolokem. Hol henlelem mò du ni kem ni, abay se ke nmoem, angati gewà gu lem hatay se kóm, dalang se yó kem gel hmungol kóm.

Sulat Jim 5:20

Ni mò hol hendem ye. Yóm tau tmóbóng du yóm tau hetlas yó, du se deng mò lanen gewà yóm tau yó, ne gbek Dwata hmifót du yóm kdê salaen.

Taytus 2:15

Hol tolokem kul ni kem ni. Hol gendufem lu mimón, ne bnólówem lu ke wen gónó le teklé, yakà wen kóm kwalis mò du. Ne béem nmò yóm gónó le kemfê kóm.

1 Kurin 4:14

Sundu yó gónóhu smulat du ebélê ye nim ni ke mò gónóhu hemyak kuy. Là kô yó du. Okóm yó gónóhu smulat ebélê ye ni mò gónó ye dmalang abay se deng ngau yu ne, ne tey bong nawahu kuy.

Kem Udél Hlalak Tehe Selumun 9:9

Ke hnauhem yóm tau hulung hedem mom temnù yóm khulungen hedem. Ke tolokem yóm tau tedeng kmoen mom bud temnù yóm kun dnalang.

Kul Nmò 20:31

Yó gónóhem mon, hol ye eles temgama. Hentulón ye nawa yóm deng tlu halayu tmolok kuy, ket kuy na sotu, senflósu kdaw ne kifu. Botong gel mosok lewoku bè yóm gel kehedemu kuy.

Kem Lingón 19:11

Yó kem hlau yó mò eles gel hetgama dou. Tey ofolu bè yóm gel kimónu du.

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

1 Tisalunika 5:14

Bud sotu hesgalu me kuy, kem dumu me setwoli. Hol eles bnólów ye lu yó kem tau mduk. Hol ten-gel ye nawa yó kem tau gel hlóng likò. Tnóbóng ye yó kem tau là dengen ngelem kehtahu le, ne hol hanay ye nawa ye ebè kdê le.

Kem Udél Hlalak Tehe Selumun 17:10

Yóm tau hulung temnef anien ke tek sulék mólów du sana kwen dnalangen senta yóm tau book baluen ke lematu dulék moug du.

Kulasi 1:28

Duhen ni, laen dù dumu tulón me bè kdéen tau, són Krays. Gel hlan me bè khulung hedem yóm kehetgama me kul, ne yóm ktolok me kul. Yó gónó me mò du anì hol le gulit yóm ket kul na sotu bè yóm kdaw kwit me kul bè solu Dwata yó kem tau deng ssotu bè Krays.

1 Kurin 10:12

Duhen yó, ke yó hendem yóm sotu tau, là mahilen btang elem sindil, yake hol ten-gamahen, kô wen gónón btang.

Isikél 33:9

Okóm ke eles wen hetgamahem du anì hegsel ne là dogen móyô hegsel, angat matay yóm tau yó igoen tolo nô tahen yó kem salaen. Okóm là kô ntuku du béléem yóm katayen yó.”