Isikél 3:19 - Udél Dwata: Gna Kesfasad ne Lomi Kesfasad

¹⁹ Okóm ke eles hetgamahem du yóm tau mò sidek ne là dog tenfloken du yóm kmoen sidek ne là dogen móyô hegsel, angat matay yóm tau yó igoen tolo wen salà nô tahen. Okóm là kô ntuku du béléem yóm katayen, abay se deng nmoem yóm hmou kóm.

Isikél 3:19 Referans Kwoze

Isikél 33:9

Okóm ke eles wen hetgamahem du anì hegsel ne là dogen móyô hegsel, angat matay yóm tau yó igoen tolo nô tahen yó kem salaen. Okóm là kô ntuku du béléem yóm katayen yó.”

1 Timuti 4:16

Hol tenngelem kmoem, ne hol tenngelem se ktolokem. Hol henlelem mò du ni kem ni, abay se ke nmoem, angati gewà gu lem hatay se kóm, dalang se yó kem gel hmungol kóm.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Kul Nmò 20:26

Tódô tulónu kuy ktahuhen bè nim kdaw ni, ke wen bélê ye hetlas, laen kô dù bud dou du ne,

Isikél 33:5

Deng gungolen yóm uni mò hetgama ne là dog kenmónen du. Yó gónóm mon, kun salà ke matay. Ke tehe nimónen yóm eles hetgama du, là kóen na a matay.

Isikél 3:21

Okóm ke eles wen hetgamahem du yóm tau yó ne ke hegsel ne tenfloken yóm kmoen sidek, là kô hukolu du klowilen, dalang se kóm abay se deng nmoem yóm hmou kóm.”

Isikél 3:18

Ke yó eles hetgamahu yóm sotu tau gel mò sidek, monu, ‘Lemwót bè yóm sidek gel nmoem, hukolu klowilem.’ Okóm ke là dog tulónem du yóm eles hetgamahu du yó, angat matay yóm tau yó igoen tolo wen salà nô tahen. Ne uu gónóhu angat mtuk du yóm katayen yó.

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Isikél 33:3

Yóm tau mentey nélék le yó, ke tonen ksut yó kem hohon le, yó nmoen, kendel mféw anì getgama le yó kem tau.