Isikél 3:18 - Udél Dwata: Gna Kesfasad ne Lomi Kesfasad

¹⁸ Ke yó eles hetgamahu yóm sotu tau gel mò sidek, monu, ‘Lemwót bè yóm sidek gel nmoem, hukolu klowilem.’ Okóm ke là dog tulónem du yóm eles hetgamahu du yó, angat matay yóm tau yó igoen tolo wen salà nô tahen. Ne uu gónóhu angat mtuk du yóm katayen yó.

Isikél 3:18 Referans Kwoze

Isikél 33:6

Okóm yóm tau mentey yó, ke tonen yóm ksut yó kem hohon le ne ke là dogen mféw mò gónó le getgama yó kem tau, angat ntuku béléen yó kem tau matay. Tódô le matay igoen tolo nô ta le yó kem salà le, tódô angat ntuku bè yóm tau mentey yó yóm katay le.

Isikél 3:20

Sotuhen, ke deng baling mò sidek yóm tau tedeng kmoen ne ke là kô hnungolen du yóm eles hetgamahu du, angat hukolu klowilen. Ke là eles hetgamahem du yóm angat uléken yóm nmoen yó, angat matay yóm tau yó igoen tolo wen salà nô tahen, là bud hendemu du ne yó du kem hyu deng tehe nmoen. Ne angat tódô ntuku béléem yóm katayen yó.

Kul Nmò 2:40

Tey dê he dumu tulón Pitér kul, ya tey kmonen du mò kul, monen, “Hol ye eles temgama anì laen dù kuy du yóm angat ktafak Dwata kul yó kem tau là hdon le.”

Kun Snulat Luk 13:5

Là yó du. Bede yó tódô tulónu kuy, ke là eles ye hegsel, ne ke là knogol ye du yó kem sidek gel nmò ye, angat ye matay mekto snéen kuy.”

1 Timuti 4:16

Hol tenngelem kmoem, ne hol tenngelem se ktolokem. Hol henlelem mò du ni kem ni, abay se ke nmoem, angati gewà gu lem hatay se kóm, dalang se yó kem gel hmungol kóm.

Kun Snulat Jan 8:21

Ne bud mon Jisas mò kul, monen, “Móyóne lemwót ne ni. Angat tey khebel ye dou, okóm là kô ton ye dou. Ne sok ye matay, sana tolo kbô ye du he salà ye. Là kô ye gógów edu tum gónóhu e solu.”

Isikél 18:20

Yóm tau gel mò sidek, yó se yóm tau géhél matay. Là kô na e nbô ngaen logi du yó kem salà nmò maen. Dalang se yóm maen, là kô nan e nbô du yó kem salà nmò ngaen logi. Yóm tau tedeng kmoen, bud hyu se ofolen lemwót bè kmoen yóm hyu. Yóm tau mò sidek, angat tnafak lemwót bè yóm kmoen sidek.

Kun Snulat Jan 8:24

Yó gónóhu mon du mò kuy, sana tolo kbô ye du he salà ye ke sok ye matay. Ne tahu se yó, ke là hentahu ye du yóm deng tulónu kuy bè dou ktau, sana tolo kbô ye du he yóm salà ye bè yóm katay ye.”

Isikél 34:10

udél yóm sana Dwata hol dandónen geta. Yó kem tau hesegyoku ubiha yó baling hohonu lu, ntuku bélê le yóm gfà yó kem dou ubiha. Là bud hesegyoku du kul ne yó kem ubihahu anì laen dù bud gónó le ma mò ken le. Yó kem dou ubiha, lenwau lu lem hólól le anì là bud gken le kul.”

Isikél 18:4

Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Kem Udél Hlalak Tehe Selumun 14:32

Lemwót bè yóm sidek nmoen gónón meglà yóm tau gel mò sidek, okóm yóm tau tedeng kmoen wen gónón e mlo bè katayen.

1 Timuti 5:22

Béem lenangaf mélék tau mò malak bè simbahan. Déke wen gónón teklé, gomongi myak béléen. Hol nmoem yóm nmò laen dù belenen.

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

Kun Snulat Luk 13:3

Là yó du. Bede yó tódô tulónu kuy, ke là eles ye hegsel, ne ke là knogol ye du yó kem sidek gel nmò ye, angat ye matay mekto snéen kuy.

Isikél 18:13

Ke wen hutóngen, mom gel hngaen. Ke lómón yó kmoen yóm tau, hyu kô hlowil du? Là. Tódô hukolu klowilen ne tódô du mbô du yóm kun katay.

2 Bok Kem Tau Hol Geta 1:4

Yó gónóm mon, ni se udél Dwata ebè Ahasaya yóm tau hol geta, monen, Là kói bud gebtik ne bè yóm gónóm masà. Tódói matay bè yó.’ ” Tahu se, lemwót Ilaydya senlongen lu, tulónen kul yóm udél Dwata yó.

Tekang Kbuten 2:17

Okóm béem abay ken yóm bungu koyu gónóm temngón du yóm hyu ne yóm sidek. Ke sok kenem yóm bunguhen tódói matay.”

Tekang Kbuten 42:22

Mon Rubén se, monen, “Deng tehe monu mò kuy se, bê ye abay hensidek yóm ngà okóm là kô ye dog hmungol. Ne ni se kbayad tekuy du yóm katayen.”

1 Samwél 8:9

Yó gónóm mon, hnungolem lu okóm hol hgetem bélê le yóm eles hetgamahem kul. Tulónem kul yóm angat kmoen bélê le ke wen tau hol geta mogot kul.”

Isikél 33:12

Ó Tau Tonok, tulónem yó kem dumuhem Israél yóm udélu ni, yó monu, Yóm tau tedeng kmoen, ke deng mom bud mò sidek, laen kô dù lanen gewà du yó kem hyu deng tehe gel nmoen. Ne yóm tau gel mò sidek, ke tenfloken yóm gel kmoen sidek, là kóen bud megtafak ne lemwót bè yóm sidek tehe gel nmoen.