Isikél 3:17 - Udél Dwata: Gna Kesfasad ne Lomi Kesfasad

¹⁷ “Ó Tau Tonok, néléku uu mò mentey bè yó kem tau Israél. Ke wen tulónu kóm mò hetgamahu kul, hol géhél hgefetem bélê le.

Isikél 3:17 Referans Kwoze

Hibru 13:17

Hol gel nimón ye yó kem tau gónó ye galak bè kehtahu ye, ne hol lolò ye yóm hlolò le kuy. Yakà lu du yóm tendo semflós tmanud kuy, abay se yóm ktanud le kuy yó angat snólók Dwata bélê le. Ke nimón ye lu, yó se gónón lingas nawa le mò nmò lem blóng ye. Okóm ke là, mom dalil gónón blat nawa le, ne laen se kô dù uléken yóm nmò le lem blóng ye.

Isaya 52:8

Gotu le mensag yó kem tau mentey yóm syudad le, mensag le lemwót bè kligal le. Tódô ton le yóm kesfulék Dwata ebè Sayun.

2 Tutul Israél 19:10

Ke wen knukum gefet bélê ye lemwót bè yó kem dumu ye nô bè yó kem dumu benwu hmilol kuy, ke gbak bè kesbonok, duhen ke bè kulé le yó kem hlau Dwata ne yó kem hloloen kul, hol eles hetgama ye kul bê le abay gemsalà bè Dwata. Abay se ke yó nmò le, gbunù ye yóm kebut Dwata kuy dalang se yó kem dumu ye. Hol nmò ye nim ni anì là gemsalà ye bè Dwata.

Kulasi 1:28

Duhen ni, laen dù dumu tulón me bè kdéen tau, són Krays. Gel hlan me bè khulung hedem yóm kehetgama me kul, ne yóm ktolok me kul. Yó gónó me mò du anì hol le gulit yóm ket kul na sotu bè yóm kdaw kwit me kul bè solu Dwata yó kem tau deng ssotu bè Krays.

Jirimaya 6:17

Deng tehe wen kem tau néléku mò mentey kuy. Yó udél le ebélê ye, ‘Angat wen uni féw gungol ye mò eles gónó ye temgama. Hol hnungol ye.’ Okóm mom yó balà ye kul, mon ye, ‘Là. Là kô me móyô hmungol du.’

1 Tisalunika 5:14

Bud sotu hesgalu me kuy, kem dumu me setwoli. Hol eles bnólów ye lu yó kem tau mduk. Hol ten-gel ye nawa yó kem tau gel hlóng likò. Tnóbóng ye yó kem tau là dengen ngelem kehtahu le, ne hol hanay ye nawa ye ebè kdê le.

2 Kurin 5:20

Ne duhen yó, mi se gel hógów Krays mò mit yóm kun tulón. Hol lómón ke Dwata fen mudél ebélê ye, okóm hlanen bélê me. Yó udél hwit Krays kum, monen, “Géhél ye mit sefyu ebè Dwata ne.”

2 Kurin 5:11

Ne lemwót bè yóm deng ketngón me du yóm angat kdà tekuy bè solu yóm gónó tekuy mogot, yó gónón wen klikò me du. Yó gónó me hotu du gel me mit kem tau anì baling le hemtahu. Gotu tngón Dwata yóm kum kmò, ne kóyóu ke gotu tngón ye snéen kuy.

1 Kurin 4:14

Sundu yó gónóhu smulat du ebélê ye nim ni ke mò gónóhu hemyak kuy. Là kô yó du. Okóm yó gónóhu smulat ebélê ye ni mò gónó ye dmalang abay se deng ngau yu ne, ne tey bong nawahu kuy.

Hbakuk 2:1

Ni mkafe eta yóm gónô mentey geta, bè yó gónóhu mangat du yóm udélen ebéléu yóm sana Dwata hol gónó mogot ne yóm kmò kbalaen du yóm tnakasu.

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

1 Kurin 12:28

Bè yóm kdê tekuy deng hemtahu, wen yóm hmò Dwata tekuy, yóm ket tekuy na sotu. Yóm hol tanayen, néléken yó kem tau mò gel hógówen. Gewuhen, wen se kem tau néléken mò gel tugoden. Getluhen, wen se tau néléken mò gel tmolok yóm kun udél. Ne wen se benlayen kegbek mò du yóm hentaw ton. Ne wen se benlayen ktued hkó des, ne tólóng se benlayen khulung tmóbóng kem dumun. Ne wen se benlayen khulung malak kem dumun. Ne tólóng se benlayen khulung tódô mudél ebéléen bè tólóng udél là deng kun tngón du.

Jirimaya 6:10

“Ke eles tulónu kul nim udélem ni,” mon Jirimaya mò ke Dwata, “tau du se hmungol dou? Deng henseng le klingu le, là kô hnungol le du yóm udél htugodem dou, deng mom knuli le. Balù udì ke wen óyô le hmungol du.

Jirimaya 31:6

Angat bud kól yóm kdawen angat bud tmaba yó kem tau mentey gu ta yó kem bulul lemnek bè Ifraim. Yó taba le, mon le, ‘Géhél ye ne mneged tekuy ebè Jirusalim, tmaba tekuy ebè yóm sana kut Dwata hol gónó mogot.’ ”

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Isikél 2:7

Hol tulónem kul yóm udélu ebélê le, kihu ke hnungol le duhen ke là. Okóm là kô na le e hnungol kóm, abay se hono le tau là mimón yóm kdê le.

Hagay 1:13

Omin Hagay tmulón du yó kem tau yóm bud udél Dwata ebélê le, yóm monen, “Elese tendo gel nô bélê ye. Ni se yóm hol fasadu kuy.”

Jirimaya 1:7

Okóm mom yó balà Dwata dou, monen, “Béem udél yóm yó. Holi mógów ebè yó kem gónóhu e hógów kóm ne hol tulónem yó kem htulónu kóm.