Isikél 3:15 - Udél Dwata: Gna Kesfasad ne Lomi Kesfasad

¹⁵ Huléken o ebè yó kem tau Juda deng negef nô bè Tél Abib bè kilil Él Kibar. Botong hitu kdawu myón lem blóng le bè yó, là kóe gudél lemwót bè yóm deng tonu ne bè yóm deng gungolu.

Isikél 3:15 Referans Kwoze

Kem Lingón 137:1

Myón me bè kilil yó kem él bè Babilun. Tey kkik me bè yó, gtulón bè nawa me Sayun yóm kum benwu.

Job 2:13

Hitu buteng le tódô myón bè yó klohok Job. Lemwót bè yóm kton le yóm tey hlayamen, balù sekteb ke mudél le.

Isikél 1:1

Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Tekang Kbuten 50:10

Tikóng le kól bè yóm gónó le gel kmusu yó kem tau bè Atad, sotu benwu fi dmata kdaw él Jurdan na le na bud nodung bè yó Jakub. Botong hitu kdaw Jusif na bud modung du.

Hbakuk 3:16

Bè yóm kungolu du yó kem deng tehe nmoem yó, botonge kenkel. Tódô setbol kkel sumóngu, botong klikou. Tódóe lenmek, botonge gluduk lemwót bè alì klikou. Okóm naw hfu imaku mangat du yóm kdaw bud kehwit Dwata du ebè yó kem tau mled benwu me yóm tey glumfak yó ekni.

Jirimaya 23:9

Yó udél Jirimaya, monen, “Lemwót bè yóm udél Dwata eta yó kem tau tugod dwata kéng yó, yóm udél Dwata laen kô dù belenen, lómó kegnómu du lómón ke deng gbà lem kfuhu ne tey sidek kesetbol kkelu. Lómó kegnómu du lómón ke lengele, lómón ke ou yóm tau alì gedlug kinumen yóm tifas grép.

Isikél 3:23

Tahu se, mógówe etu bè datal ne bè yó bud tonu yóm tey keklóón Dwata, hol lómón kmoen lómón yóm tehe ktonu du ditu bè kilil Él Kibar. Botonge gefen bè tonok yóm ktonu du.

Isikél 1:3

Bè yó bè kilil Él Kibar bè Babilun, wen udél Dwata ebéléu ne tódô gnómu yóm kogot Dwata do, ou Isikél yóm ngà Busi logi yóm Busi gel blóng tau ebè Dwata.