Isikél 3:14 - Udél Dwata: Gna Kesfasad ne Lomi Kesfasad

¹⁴ Nkayen o yóm Tulus Dwata, ominen mit do. Tey sidek kegnómu du yóm kwiten do yó lemwót bè yóm deng gungolu ne yóm tey khééten yóm hmoen do. Okóm yóm Dwata, tey mbegel kogoten do.

Isikél 3:14 Referans Kwoze

Isikél 37:1

Omin Dwata bud mogot do, yóm sana Dwata hol gónó mogot. Yó nmò yóm Tulusen, nwiten ou etu bè yóm datal tódô hono tiol.

Isikél 1:3

Bè yó bè kilil Él Kibar bè Babilun, wen udél Dwata ebéléu ne tódô gnómu yóm kogot Dwata do, ou Isikél yóm ngà Busi logi yóm Busi gel blóng tau ebè Dwata.

2 Bok Kem Tau Hol Geta 2:16

Yó mon le mò ke Ilaysa, “Ngem, mi se kem tau tóbóng lówóhem, wen limu folò bélê me alì kemgis. Ke móyói, hfebel te kul yóm amohem, déke deng nit Tulus Dwata hlayuk, ne déke deng wen bulul duhen ke datal deng gónón tmebel du.” Bnalà Ilaysa se, monen, “Bê. Béem hógów lu.”

Isikél 3:12

Ominen mkay do eta yóm Tulus Dwata ne gungolu yóm tey lemungkul te kwangu wen udél mung du, monen, “Hol dóyón tekuy yóm tey keklóón Dwata ditu bè yóm gónóhen nô bè longit.”

Kun Snulat Jan 4:9

Ne mon yóm libun mò du, “Igoem sem Ju kóm, ne libune lemwót bè Samarya dou, moen ke mnihi él béléu?” Yó se yóm balaen ke Jisas yóm libun yó, abay se là kô glemeg kem Ju du yóm kul tegayan ne huyów yó kem tau Samarya.

Kun Snulat Jan 4:3

Timbow gungol Jisas nim tulón le ni, tódô lemwót bè yó bè prubinsya Judiya, ne bud mulék ebè prubinsya Galili.

Kun Snulat Jan 4:1

Gungol yó kem Farisi yóm deng ketnù yó kem tau lemolò ke Jisas ne yó kem tau hbabtays béléen, ne là holen bud wen ke Jan.

Jirimaya 6:11

Yóm kebutem kul, Dwata bud gnómu snéen dou, là gbeku du ke là benkasu du bélê le.” Ne yó bud udél Dwata ebéléu, monen, “Gotu sulék kokem eta yó kem tau bè Jirusalim yóm tey kebutu kul, balù yó kem ngà le là mdengen bè lan, dalang se yó kem logi lomi lemnok tolo sbung, kkólen bè yó kem tau syehen ne yó kem tuha bélê le, gotu sulék kokem eta le.

1 Bok Kem Tau Hol Geta 18:46

Ya tey kehekgis Dwata ke Ilaydya tódô hget bekesen bè ówóken yóm nes tahaen, ne mlóy tukô gna ke Ahab efet kól ebè bak tikeb Jisriil.

Kul Nmò 8:39

Bè yóm deng bud kotun le ete kembu, tódô nwiten Filip yóm Tulus Dwata, ne tódô lana lem mata yóm tau hbabtays yó koni. Kewóten se kun hlós mulék, ya tey kligalen.

1 Bok Kem Tau Hol Geta 18:12

Okóm ke budi kendel lemwót bè ni, déke wen gónón e mit kóm yóm Tulus Dwata ebè yóm benwu là wen temngón du. Ne ke sut Ahab ne ke là tonen kóm, umuen ou fen hnatayen. Blaem kóm nim ou, nbut bè hanà kudiu yóm kimónu ke Dwata.

Isaya 8:11

Wen eles hetgama Dwata dou mlan bè yóm tey kfasangen. Là kóyóen du ke lolou yóm lan lolò yó kem dumuhu tau. Yó udélen ebéléu, monen,

Deng Hegfan 10:10

Tahu se, nwahu yóm sulat udì yó ne gotu kenu, ne lómón kmò knómen tneb lem baku. Okóm yóm deng kehlohu du, deng mom baling héét lem blututu.