Isikél 3:12 - Udél Dwata: Gna Kesfasad ne Lomi Kesfasad

¹² Ominen mkay do eta yóm Tulus Dwata ne gungolu yóm tey lemungkul te kwangu wen udél mung du, monen, “Hol dóyón tekuy yóm tey keklóón Dwata ditu bè yóm gónóhen nô bè longit.”

Isikél 3:12 Referans Kwoze

Kul Nmò 8:39

Bè yóm deng bud kotun le ete kembu, tódô nwiten Filip yóm Tulus Dwata, ne tódô lana lem mata yóm tau hbabtays yó koni. Kewóten se kun hlós mulék, ya tey kligalen.

Kul Nmò 2:2

Bè yóm igò le stifun, tódô kento gungol le yóm tey lemungkul gu bè longit, hol lómón ke lungkul yóm tey lenos bong. Tódô lenngeben lem yóm gónô gónó le stifun.

Isikél 3:14

Nkayen o yóm Tulus Dwata, ominen mit do. Tey sidek kegnómu du yóm kwiten do yó lemwót bè yóm deng gungolu ne yóm tey khééten yóm hmoen do. Okóm yóm Dwata, tey mbegel kogoten do.

Deng Hegfan 19:6

Ominu bud mungol yóm tey genged udél tau, hol lómón ke lungkul yóm tey hikong, ne hol lómón ke yóm tey lugung. Yó udél le, mon le, “Hol dóyón tekuy dé Dwata. Deng duhen ni ne yóm kkamalen yóm klamangen yóm Dwata gónó tekuy mogot, yóm laen dù là gbeken du.

Deng Hegfan 1:15

Ne yóm tihen lómón ksinangen yóm blówón lomi olo. Ne yóm udélen, hol lómón ke lungkul yóm tey hikong.

Deng Hegfan 1:10

Bè yóm sotu Akad, tódô sut béléu yóm Tulus Dwata, ne tódô gungolu se yóm tey mudél te kwangu, hol lómón ke uni féw bong.

Isikél 2:2

Yóm igoen mudél ebéléu, tódô gnómu husek béléu yóm Tulus Dwata ne hdaen ou. Tey keheklinguhu du yóm udélen, monen,

Isaya 6:3

Yó nmò le gel le staba, mon le, “Hol tahu laen kô dù belenen yóm Dwata yóm Dwata laen dù là gbeken du yóm hol gónó mogot. Hol tahu laen kô dù belenen bà udì. Tódô lenngeben klamangen benwu yóm alì kegetahen.”

Kem Lingón 148:2

Ne yu kem gel hógówen gu bè longit, hol dóyón ye Dwata se kuy. Ne yu kem tey kdê sendaluen bè yó, hol dóyón ye Dwata se kuy.

2 Bok Kem Tau Hol Geta 2:16

Yó mon le mò ke Ilaysa, “Ngem, mi se kem tau tóbóng lówóhem, wen limu folò bélê me alì kemgis. Ke móyói, hfebel te kul yóm amohem, déke deng nit Tulus Dwata hlayuk, ne déke deng wen bulul duhen ke datal deng gónón tmebel du.” Bnalà Ilaysa se, monen, “Bê. Béem hógów lu.”

1 Bok Kem Tau Hol Geta 18:12

Okóm ke budi kendel lemwót bè ni, déke wen gónón e mit kóm yóm Tulus Dwata ebè yóm benwu là wen temngón du. Ne ke sut Ahab ne ke là tonen kóm, umuen ou fen hnatayen. Blaem kóm nim ou, nbut bè hanà kudiu yóm kimónu ke Dwata.

Isikél 3:11

Ominem yó mógów ebè yó kem dumuhem deng negef ne monem mò kul, ‘Ni se udél yóm sana Dwata hol dandónen geta.’ Tulónem kul yóm udélu kihu ke hnungol le duhen ke là.”

Kem Lingón 26:8

Tey bong nawahu du yóm Gónóem, Dwata, yóm gónóhen gfan yóm keslinangem.