Isikél 3:1 - Udél Dwata: Gna Kesfasad ne Lomi Kesfasad

¹ Yó udélen ebéléu yóm mudél yó koni, monen, “Ó Tau Tonok, kenem yóm sulat lenulun ni. Ominem lemwót nam e tulón bè yó kem tau Israél yóm udél nô lemen.”

Isikél 3:1 Referans Kwoze

1 Timuti 4:15

Hotuhem nawahem mò du ni kem ni, béi htakas. Ke ni se nmoem, dilô kem dumum tau yóm kgulitem.

Isikél 3:15

Huléken o ebè yó kem tau Juda deng negef nô bè Tél Abib bè kilil Él Kibar. Botong hitu kdawu myón lem blóng le bè yó, là kóe gudél lemwót bè yóm deng tonu ne bè yóm deng gungolu.

Isikél 2:3

“Yó ne, Tau Tonok, hógówu uu ebè yó kem tau Israél ebè yó kem tau là mimón do. Yó kem tehe fù le ekni, tódô lenwóten bè kbuten yóm là kimón le do ne efet ni kmoen ni sana yó ne yóm là kimón le do.

Hibru 10:7

Yó gónóhu mon du, ‘Ni se o, Dwata, nmou he yóm kóm kóyô, hol lómón yóm tehe hsulatem gbak ebéléu bè yóm bok gónón nô yó kem hlauhem.’”