Isikél 2:9 - Udél Dwata: Gna Kesfasad ne Lomi Kesfasad

⁹ Tahu se, wen sigel tonu nogoten yóm sulat lenulun.

Isikél 2:9 Referans Kwoze

Danyél 10:10

Ominen tódô wen mogot do, nkayen o efet gtudu bukolu ne hólólu bè tonok igou kenkel.

Isikél 3:1

Yó udélen ebéléu yóm mudél yó koni, monen, “Ó Tau Tonok, kenem yóm sulat lenulun ni. Ominem lemwót nam e tulón bè yó kem tau Israél yóm udél nô lemen.”

Hibru 10:7

Yó gónóhu mon du, ‘Ni se o, Dwata, nmou he yóm kóm kóyô, hol lómón yóm tehe hsulatem gbak ebéléu bè yóm bok gónón nô yó kem hlauhem.’”

Danyél 5:5

Yóm igò le dmóyón yó kem dwata le yó, tódô henmung ton le yóm tdok smulat bè beng yóm gónô bong yóm tau hol geta, moni bè wen soloken. Ton Bélsasar se kun yóm tdok smulat yó

Jirimaya 36:2

“Nwahem yóm klatas lenulun, snulatem lemen yóm kdê udélu gbak ebè yó kem tau Israél ne ebè yó kem tau Juda ne ebè yó kem tólóng tau bè dumu benwu. Snulatem lemen yóm kdê deng htugodu kóm lenwóten bè yóm hol tanayen bè yóm kun kogot yóm tehe Jusaya efet nim kmoen ni.

Jirimaya 1:9

Omin Dwata yó mdù sumóngu ne monen mò dou, “Ngem, suu bè sumóngem yó kem udélu mò tulónem.

Jirimaya 36:4

Tahu se, htaba Jirimaya Baruk yóm ngà Niraya logi. Gotu tulónen ke Baruk yóm deng htugod Dwata du lemwót bè kbuten ne gotu snulat Baruk bè yóm klatas lenulun yóm kdéen.

Sikaraya 5:1

Bud nkayu bè yó ketngelu, tonu yóm klatas lenulun deng mból móyóng te kmawang.

Sikaraya 5:3

Ominen mon du mò do yóm hógów Dwata yó, “Deng snulat lem nim klatas mból ni yóm hmulà Dwata yó kem tau bè klamang benwu Juda. Snulat bè doli yóm klatas yó, angat gotu hdó Dwata lu bè yóm benwu ni yóm kdéen tau mnagaw ne bud snulat bè dolihen, angat gotu hdóhen lu snéen bè yóm benwu ni yóm kdéen tau smafà kéng.