Isikél 2:7 - Udél Dwata: Gna Kesfasad ne Lomi Kesfasad

⁷ Hol tulónem kul yóm udélu ebélê le, kihu ke hnungol le duhen ke là. Okóm là kô na le e hnungol kóm, abay se hono le tau là mimón yóm kdê le.

Isikél 2:7 Referans Kwoze

Jirimaya 23:28

Bayaem ne yóm gel tulón yó kem tugod gel kemna yó. Okóm yó kem tau htugodu yóm dou udél, hol le tódô hteneb tmulón du sen yóm udélu. Tey wen gónón stólóng yóm lami halay bè yóm bunguhen.

Isikél 3:17

“Ó Tau Tonok, néléku uu mò mentey bè yó kem tau Israél. Ke wen tulónu kóm mò hetgamahu kul, hol géhél hgefetem bélê le.

Isikél 3:10

Bud monen mò do, “Yó ne, Tau Tonok, hol eles hnungolem se kóm yóm udélu ebéléem ne hol gna suem bè nawahem yóm kdê tulónu kóm.

Isikél 2:5

Kihu ke hnungol le uu duhen ke là yó kem tau là mimón do yó, syan olo le temngón du deng wen tugodu deng kól lem blóng le.

Jirimaya 1:7

Okóm mom yó balà Dwata dou, monen, “Béem udél yóm yó. Holi mógów ebè yó kem gónóhu e hógów kóm ne hol tulónem yó kem htulónu kóm.

Jirimaya 1:17

Yó ne, Jirimaya, elesi htifes. Géhéli lemwót nam e tulón kul yóm kdê htulónu kóm. Béi abay hlikò bélê le. Ke likoi bélê le, bud tennuu he yóm klikoem yó ke mdai bè solu le, ne tey kebà nawahem.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Juna 3:2

yó monen mò du, “Yó ne Juna, hlósi ebè Ninibi ebè yóm tey syudad bong, nam e tulón yó kem tau bè yó yóm htugodu kóm.”

Jirimaya 26:2

monen, “Mdai bè lósól yóm dou Gónô ne mudéli ebè yó kem tau lemwót bè klamangen Juda, yó kem tau mógów ebè yó na a tmaba ebéléu. Hol tulónem kul yóm kdê htugodu kóm, hol béen abay wen tebelem du balù sotu.

Jirimaya 7:27

Duhen ni Jirimaya, hol tulónem yó kem dou tau nim udélu ni, okóm là kô hnungol le kóm. Ke tnabahem lu anì wen eles hetgamahem kul, là kô bnalà le kóm.

Jirimaya 17:20

Mdai bè yó, mudéli ebè yóm kdéen tau, monem, ‘Ó kem tau hol geta kmamal bè Juda ne yu kem tau bè Juda, dalang se yóm kdê tau nô bè Jirusalim, hol hnungol ye yóm udél Dwata ebélê ye.

Jirimaya 36:14

Lemwót yó kem genlal, dók le Jihudi yóm ngà Nitaniya logi ne témê Silamaya ne fù Kusi, hangay le du Baruk anì bud senfalahen bélê le yóm udél Dwata. Tahu se, nwit Baruk yóm sulat lenulun ne mógów ebélê le.

Jirimaya 42:21

Nim kemdaw ni deng gotu tulónu kuy se yóm hol udélen ebélê ye yóm sana kut Dwata hol gónó mogot, okóm là kô nimón ye du. Yóm là kimón ye nim kmoen ni, hol mkél bè yóm tehe gna là kimón ye.

Isikél 33:7

Duhen yó, Tau Tonok, nmou uu mò mentey yó kem tau Israél. Yó gónóm mon, hol hnungolem yóm udélu anì eles wen hetgamahem kul lemwót béléu.

Amus 3:13

Ni mò hol hnungol ye ne hol heglalag ye bè yó kem sfu Jakub,” udél yóm sana Dwata hol gónó mogot, yóm Dwata laen dù là gbeken du.

Kehewà 6:29

monen mò du, “Ou se yóm sana Dwata hol gónó mogot. Tulónem ke Faro yóm kdê deng monu mò kóm.”

Jirimaya 6:28

Tódô kdê le gotu kmogol do kem tau hensidek le boluy kem dumu le. Tey mgel kulu le lómó kgelen bala tók, lelen mahil bélê le mit kem dumu le mò sidek.

Jirimaya 34:6

Tahu se, gotu tulón Jirimaya ke Sidikaya bè Jirusalim yóm tau hol geta mogot yóm benwu Juda, yóm udél Dwata ni.

Isikél 3:4

Ominen bud mon du mò do, “Yó ne, Tau Tonok, mógówi ebè yó kem tau Israél nam e tulón kul yóm udélu ebélê le.