Isikél 2:2 - Udél Dwata: Gna Kesfasad ne Lomi Kesfasad

² Yóm igoen mudél ebéléu, tódô gnómu husek béléu yóm Tulus Dwata ne hdaen ou. Tey keheklinguhu du yóm udélen, monen,

Isikél 2:2 Referans Kwoze

Isikél 3:24

Ominen bud husek béléu yóm Tulus Dwata ne hdaen o. Yó monen mò do, “Muléki ne, htinofi ditu bè gónóem, hol tnikebem bak dólem.

Isikél 3:12

Ominen mkay do eta yóm Tulus Dwata ne gungolu yóm tey lemungkul te kwangu wen udél mung du, monen, “Hol dóyón tekuy yóm tey keklóón Dwata ditu bè yóm gónóhen nô bè longit.”

Deng Hegfan 11:11

Timbow deng yóm tlu kdaw sóól yó, tódô bud hlowil Dwata lu, ne tódô le bud hboluk btik. Ya tey sidek klikò yóm kdéen tau mton kul.

Danyél 8:18

Yóm igoen mudél, botong là bude temngón sana kefenu bè tonok. Okóm leninggil Gabrél ou ne tnóbóngen ou, ominu yó bude mdà.

Isikél 36:27

Suu bélê ye yóm dou tulus anì nimón ye yó kem dou hlau kuy ne anì wen ketgama ye mò du yóm dou hlolò kuy.

Isikél 3:14

Nkayen o yóm Tulus Dwata, ominen mit do. Tey sidek kegnómu du yóm kwiten do yó lemwót bè yóm deng gungolu ne yóm tey khééten yóm hmoen do. Okóm yóm Dwata, tey mbegel kogoten do.

Nihimaya 9:30

Deng tey hilu halayen ne yóm tendo khanayem nawam lem blóng le. Kóm Tulus se fen gel hudél yó kem tugodem, okóm deng le mom hbokong yó kem tauhem. Yó gónóm mon, bud hlusem lu elem hólól yó kem tólóng but tau.

1 Samwél 16:13

Tahu se, nwa Samwél yóm hnolo ulib nwiten ne twélen ta kulu Dabid yóm igoen mdà lem blóng yó kem dumuhen setwoli. Ne lenwóten bè yóm kdaw yó, tey kalak Tulus Dwata ke Dabid efet kól bè katayen. Kewót Samwél bè yó mulék ebè Rama yóm hol kun benwu.

Kmukum 13:25

Ne nbut yóm Tulus Dwata hekgis du bè yóm igoen nô bè Kamfù Dan bè blóng le benwu Sura yóm benwu Istaol.