Isikél 2:10 - Udél Dwata: Gna Kesfasad ne Lomi Kesfasad

¹⁰ Ominen mból du béléu ne tonu yóm snulat sfatà kililen, hono lingón modung ne udél langag ne lanu ne udél heglà kul.

Isikél 2:10 Referans Kwoze

Deng Hegfan 8:13

Ominu bud mkay ketngelu, tódô gungolu se yóm tey udél banug móyóng heklowong ditu ta gu te kmawang. Yó udélen, monen, “Wóyóy, wóyóy, wóyóy. Ya yu kem tau te tonok. Tey hlayam ye sok mféw yóm tlu dù hógów Dwata kedeng.”

Deng Hegfan 11:14

Ni se deng gewuhen yóm alì hlayam knikò tau sut bélê le. Ngem móyónen sut yóm getluhen.

Deng Hegfan 9:12

Deng gotu deng ne yóm sotu hlayam alì knikò tau yó. Ngem, lewu he duen.

Hbakuk 2:2

Ominen malà do Dwata, monen, “Snulatem bè botu kufil yóm htonu kóm ni, bede hbongem ksulatem du ne htatawem anì mahil kesfalahen du yóm tau mlóy mit tulón anì tulónen bè kihu tau.

Deng Hegfan 5:1

Ne tódô tonu se yóm sulat lenulun nkem yóm myón bè yóm gónón myón kmamal, kemen du sigel kwananen. Wen snulat le tahen ne lemen, ne wen hitu dketen.

Deng Hegfan 10:10

Tahu se, nwahu yóm sulat udì yó ne gotu kenu, ne lómón kmò knómen tneb lem baku. Okóm yóm deng kehlohu du, deng mom baling héét lem blututu.