Isikél 18:9 - Udél Dwata: Gna Kesfasad ne Lomi Kesfasad

⁹ Ne gulit kloloen du yó kem dou hlau kul ne yó kem dumu dou hlolò kul. Yóm tau mò du ni kem ni, yó se yóm tau tedeng kmoen ne angat mowil, mon yóm sana Dwata hol dandónen geta.

Isikél 18:9 Referans Kwoze

Hbakuk 2:4

Yó snulatem, Ngem yó kem tau là tedeng kmò le, laen dù gónón e kól yóm klowil le. Okóm kul yó kem tau tedeng kmò le, lemwót bè yóm kehtahu le bè Dwata wen gónón e kól yóm klowil le.

Amus 5:4

Yó bud udél Dwata ebè yó kem tau Israél, monen, “Semfulék ye ebéléu anì mowil ye.

Isikél 18:17

tnóbóngen yó kem élél, là hngaen du ke wen hutóngen ne tey gulit kloloen du yóm kdê dou hlau ne yó kem dou hlolò kul. Là kô naw e hukol du klowilen yóm tau yó lemwót bè yó kem salà gel nmò maen, fen mowil se kun.

1 Jan 2:29

Lemwót bè yóm ketngón ye du tey tedeng yóm Krays, bud tngón ye snéen ke tedeng kmoen yóm tau, du se yóm tau deng tahu ngà Dwata.

Sulat Pol Ebè Yó Kem Tau Hemtahu Bè Rom 1:17

Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

1 Jan 3:7

Bê ye hegsukat bè kem dumu tau, kem ngà. Ke tedeng nmò yóm tau, yó se yóm tau deng tedeng kmoen, hol mkél bè yóm kun ktedeng kmò Krays.

Kul Nmò 24:16

Yó gónóm mon, tódô hotuhu gelu dou mò du yóm tedeng anì laen dù blóngu ebè Dwata duhen ke ebè kem dumuhu tau.

Kun Snulat Jan 14:21

Yó se tau hemmóyô du yóm dou hlau ne mimón du, yó se yóm tau kembong nawa do. Ne angat kenbong nawa Mà snéen kun yóm tau kembong nawa do yó. Tey kbong nawahu du snéen dou, ne angate hegfan béléen.”

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Amus 5:24

Okóm yó hol nóyóu bélê ye ke henlel ye mit du yóm kukum tedeng. Kehlingónu du yóm kehyuhen yóm kukum tedeng nwit ye yó, hol lómón yóm él tódô senflósen mlel.

Amus 5:14

Hol sen-galu ye mò du yóm tedeng, hlayuk ye bè yóm sidek anì mowil ye. Ke yó nmò ye, tahu nô bélê ye yóm sana Dwata hol gónó mogot, yóm Dwata laen dù là gbeken du, lómón yóm deng gel mon ye nim kmoen ni.

Isikél 37:24

Yó angat geta bélê le, duhen Dabid yóm tau tóbóng lówóhu. Tek sotuhen yóm semgyok kul. Ne tey kimón le du yó kem hlau ne yó kem dou hlolò kul.

Isikél 36:27

Suu bélê ye yóm dou tulus anì nimón ye yó kem dou hlau kuy ne anì wen ketgama ye mò du yóm dou hlolò kuy.

Isikél 33:15

huléken yóm deng sandà le béléen ne huléken yóm deng hennagawen ne gotu nimónen yóm kdê hlauhu kul mò gónó le mowil ne là bud nmoen du yó kem sidek tehe gel nmoen, là kóen kendel matay yóm tau yó, angat mowil.

Dwata 5:1

Omin Musis gotu htaba yó kem tau Israél ne monen mò kul, “Ó kem tau Israél, hol hnungol ye yó kem hlau Dwata tulónu kuy kemdaw ni. Hol dnalang ye ne hol nimón ye.

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

Isikél 18:10

Okóm mò kmoen yóm tau ni ke wen ngaen logi. Ke yó nmò yóm ngaen logi yó gel mnagaw ne monok là dog nmoen du yóm hyu.

Isikél 18:19

Okóm yóm gel snólók ye yóm mon ye, ‘Moen de kun yóm ngà logi yóó ke là megtafaken lemwót bè yó kem salà tehe gel nmò maen?’ Là gi. Yóm ngaen logi yó, lemwót bè yóm fen kmoen du yóm tedeng ne yóm kgulit tendo kloloen du yó kem dou hlolò kul, yó se lowilen.

Dwata 6:25

Ke hol tekuy hteneb mimón du yóm kdê deng hlauhen tekuy, yó gónón hyu nawan ebélê te.’ Ni se hol tulón ye yó kem ngà ye.”

1 Bok Kem Tau Hol Geta 9:4

Ke béléem kóm, ke laen dù belenen yóm kloloem do, ne ke holi gulit, lómón yóm tehe kun klolò do yóm maem Dabid, ne ke tendo nimónem yó kem hlauhu kóm ne yó kem dumu hlolou kóm,

Kem Udél Hlalak Tehe Selumun 12:28

Yóm lan tau ebè yóm ktahà ktauhen duhen yóm ktedeng kmò, okóm yóm ksigol kmò lan tau e lem hatay.