Isikél 18:8 - Udél Dwata: Gna Kesfasad ne Lomi Kesfasad

⁸ Ke wen hutóngen, là kô nan e hngà du. Gel hlayuk bè yóm là tedengen ne tedeng kkukumen kem dumun.

Isikél 18:8 Referans Kwoze

Sikaraya 8:16

Okóm ni mò hol nmò ye, ke wen gel tulón ye bè kem dumu ye, són tulón ye yóm tahu. Bè gónô skukum, hol hentedeng ye kkukum ye anì menek nawa ye.

Isikél 18:17

tnóbóngen yó kem élél, là hngaen du ke wen hutóngen ne tey gulit kloloen du yóm kdê dou hlau ne yó kem dou hlolò kul. Là kô naw e hukol du klowilen yóm tau yó lemwót bè yó kem salà gel nmò maen, fen mowil se kun.

Isikél 18:13

Ke wen hutóngen, mom gel hngaen. Ke lómón yó kmoen yóm tau, hyu kô hlowil du? Là. Tódô hukolu klowilen ne tódô du mbô du yóm kun katay.

Kem Lingón 15:5

Ne ke wen hutóngen, là kô hngaen du. Ke myón bè knukum, là kô nfihen du yóm kéng, balù nô kbong tô blay le du. Yóm tau lómón yó kmoen, tendo nofin Dwata.

Jirimaya 15:10

Yó udél Jirimaya, monen, “Tey tau laen dù kligalen nim ou. Moen de, Yê, ke tehe hesutem ou lem nim benwu ni? Tey kekbê le dou yó kem tau bè klamangen benwu me. Là kóe deng mutóng filak se dou ne là se kóe deng hutóng. Okóm moen se ni du ke deng mom hnagi le ou yó kem tau?”

Isaya 33:15

Song gónó ye mowil kuy bè yóm ofi yó ke tedeng yóm gel kebkó ye ne ke tedeng yóm gel nmò ye. Béem nwit yóm kwen boluy ye mò smukat yó kem tau élél. Hol bê ye henmóyô ke wen tô blay le kuy mò wa nawa le. Hol bê ye abay mung bè yó kem tau matul monok, duhen ke wen dumu sidek natul le.

Isaya 1:17

ne hol dnalang ye mò du yóm hyu. Hotu ye gel ye mit du yóm kukum tedeng. Tnóbóng ye yó kem tau gel ndà le elaan. Ne nfi ye yó kem ngà hikit anì guta le yóm kul ólól. Senged se yó kem libun bolu, hol nfi ye lu.”

Kem Udél Hlalak Tehe Selumun 28:8

Yóm tau hgengónen kendengenen lemwót bè kkaf keswahen ne bè kongoen kem dumu tau, yóm kendengenen yó mom mógów ebè yóm tau gel masa yó kem tau élél.

2 Samwél 22:24

Laen dù gónóhu mulé du, ne deng senyahu yóm salà.

Hlolò 19:35

Bê ye abay leningko kem dumu ye ke wen hbalù ye. Bê ye abay kmulang ke wen bentes ye dun ke wen tnimbang ye dun ke wen gnantang ye.

Hlolò 19:15

Ke wen knukum ye, hol nfi ye yóm tahu ne yóm tedeng. Bê ye nfi yóm tau élél ke là tahuhen yóm ndaen. Ne bê ye abay nfi se yóm tau wen boluyen ke là tahuhen se yóm kun ndà.

Sikaraya 8:19

“Yóm kfasting gel nmò ye bè gfaten bulón ne bè glimuhen bulón duhen ke bè ghituhen bulón ne bè gesfoloen bulón, là bud nmò ye du ne. Yóm gel kestifun ye bè kfasting ye yó ne bè klangag ye, angat baling kdaw kehligal ye mò kem bong kem tau bè Juda. Yó gónóm mon, henlom ye nawa yóm ktahuhen ne yóm gónón menek nawa ye.