Biblia Todo Logo
Bib sou entènèt

- Piblisite -




Isikél 18:7 - Udél Dwata: Gna Kesfasad ne Lomi Kesfasad

7 Tau knoduhen kem dumun, là gel heglólóben du sandà yó kem tau élél. Là kóen na a mnagaw bè yó kem tau élél, mom gel benlayen yó kem bitil ne tódô gel benlayen nes yó kem tau élél.

Gade chapit la Kopi




Isikél 18:7
61 Referans Kwoze  

ne là se hen-gnoken kem dumuhen tau. Ne bud gel huléken yóm sandà béléen ne là se kóen mnagaw bélê le. Gel benlayen yó kem bitil ne benlayen nes yó kem tau laen dù kul,


gel hen-gnoken yó kem tau élél ne là dog gel huléken yóm kimu sandà le béléen, gel tmaba ebè yó kem dwata kéng ne tendo gel slomong bélê le mò yóm gónó myak.


huléken yóm deng sandà le béléen ne huléken yóm deng hennagawen ne gotu nimónen yóm kdê hlauhu kul mò gónó le mowil ne là bud nmoen du yó kem sidek tehe gel nmoen, là kóen kendel matay yóm tau yó, angat mowil.


Ne yó mon Jan mò kul, “Yóm tau lewu kun kgal, blayen yóm sotuhen bè yóm tau laen dù kun. Ke wen ken yóm sotu tau, hyu ke benlayen yóm laen dù kun.”


Yó udél Dwata, monen, “Ni kem dou tau ni, là hulung le mò du yóm tedeng. Deng tódô hennok le yóm gónô bong yóm kimu hennagaw le ne hnugus le.


Bè yóm gel ktaba le ebè yó kem dwata le, deng le mom tungô klohok yó kem gónó gel demsù, igam le yóm nes sandà le bélê le yó kem tau élél. Mom ninum le lem gónô dwata lennged yóm tifas grép nwa le gu bè yó kem tau mutóng filak bélê le.


Okóm yóm maen, angat kendel matay se kun lemwót bè yó kem tey dê sidek gel nmoen. Wen tau gel hen-gnoken ne gel wen hennagawen bè yó kem dumuhen setwoli ne gel nmoen yóm là hyuhen lem blóng yó kem dumun.


Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.


Tahu se, angat tnafaku yóm kdéen tau deng lemolò du yóm kul gel lolò yó kem tau là deng temngón dou, kkólen bè yó kem tau gel mnagaw ne gel monok, gel hennok le yóm gónô amo le yóm gel hennagaw le.”


Okóm deng kenbê ye yóm tedeng, mom henlom nawa ye yóm sidek. Hol lómón ke nukét ye matak yó kem dou tau ne hnélé ye yóm unged bè tiol le.


Hatay ye kuy, kem tau olo le beyen hlilil kifu là dog tungô matul mò yó kem sidek. Hlafusen bè yó, tódô kendel nmò ye yóm sidek deng eles natul ye yó, abay se gbek ye mò du.


Móyón kól yóm kdaw kegtafak ye, okóm balù udì ke olò hendem ye yóm kdaw yó. Okóm lemwót bè yóm sidek gel nmò ye gónón kendel hto yóm kdaw yó.


Ni se udél Dwata ebélê ye, monen, hol bê ye abay kmihu, nmò ye yóm tedeng. Tnóbóng ye yó kem tau deng wen hennagaw le bélê le. Lenwà ye yó kem tau hen-gnok lem hólól yó kem tau hemgnok kul. Tenflok ye ne yóm kmò ye sidek. Bê ye abay hensidek yó kem tólóng tau nô lem blóng ye kkólen bè yó kem ngà hikit ne yó kem libun bolu. Bê ye abay hnatay yó kem tau laen dù salà le.


Song gónó ye mowil kuy bè yóm ofi yó ke tedeng yóm gel kebkó ye ne ke tedeng yóm gel nmò ye. Béem nwit yóm kwen boluy ye mò smukat yó kem tau élél. Hol bê ye henmóyô ke wen tô blay le kuy mò wa nawa le. Hol bê ye abay mung bè yó kem tau matul monok, duhen ke wen dumu sidek natul le.


Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.


ne hol dnalang ye mò du yóm hyu. Hotu ye gel ye mit du yóm kukum tedeng. Tnóbóng ye yó kem tau gel ndà le elaan. Ne nfi ye yó kem ngà hikit anì guta le yóm kul ólól. Senged se yó kem libun bolu, hol nfi ye lu.”


Yóm tau gel benlayen yóm tau élél là kóen mulék élél, okóm yóm tau là kenmónen yó kem tau élél tey dê tau mudél sidek etahen.


Yóm tau hgengónen kendengenen lemwót bè kkaf keswahen ne bè kongoen kem dumu tau, yóm kendengenen yó mom mógów ebè yóm tau gel masa yó kem tau élél.


Yóm tau hen-gnoken yóm tau élél, tnondohen yóm Dwata deng tehe mò du, okóm yóm tau knoduhen yóm tau élél, megdóyón béléen Dwata.


Béem hendémê kul kmò yó kem tau gel hmugus ne béen wen dnalangem du yóm kul kmò.


Là sgafas nawa le bemlay yó kem tau élél. Yóm kehyu nmò le laen kô dù tau kmifót du. Tey mbegel ktau le, ne tey kadat le du kem dumuhen.


Anien ke nô lem gónón kmifu yóm tau hyu kmoen, sal gel hlayag Dwata lanen. Hulung le bemlay ne hulung le kmodu, ne tedeng kmò le.


Ya tey kehligal le kul yó kem tau gel tmóbóng yó kem tau élél. Sal gel lenwà Dwata lu bè yóm gónón wen hlayam le.


Ke wen knukum ye, hol nfi ye yóm tahu ne yóm tedeng. Bê ye nfi yóm tau élél ke là tahuhen yóm ndaen. Ne bê ye abay nfi se yóm tau wen boluyen ke là tahuhen se yóm kun ndà.


Yó bud udél Dwata, monen, “Deng tendo sensulit le mò sidek yó kem tau bè Israél, là kô gbeku du ke là tnafaku kul. Deng mom hbalù le mò hesek yó kem tau tedeng kmò le, luluk le lu bè filak ne yó kem tau élél deng luluk le lu bè snilas.


Bê ye abay leningko kem dumu ye ne béen abay wen hennagaw ye bélê le. Bê ye abay nanggà efet kól haya sukéy yóm tau mò nmò bélê ye.


Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”


Swiv nou:

Piblisite


Piblisite