Isikél 18:6 - Udél Dwata: Gna Kesfasad ne Lomi Kesfasad

⁶ ne là tmabahen ebè dwata kéng yóm gel tnaba yó kem tau Israél ditu ta bulul ne se là kóen mken yóm deng gel dsù le ebélê le. Là kóen se smamuk ne là tagad gel kneyeken du yehenen bè yóm igoen tolo wen hen-gifaten.

Isikél 18:6 Referans Kwoze

Isikél 18:15

Là tmabahen gu ta yó kem bulul ebè yó kem dwata kéng yó kem tau Israél ne là se kenen du yóm deng dsù ebélê le. Là se kóen smamuk

Dwata 4:19

Ke gel ye temngel etta bè longit ne ton ye kdaw ne bulón ne yó kem blotik, hol ye temgama anì là tmaba ye ebélê le. Ni kem gel ton ye ni, deng tódô bayà Dwata lu ebè yó kem tólóng tau bè dumu benwu mò gónó le tmaba se kul.

Lista 25:2

Yó nmò yó kem libun Muab yó, tinok le yó kem logi Israél anì gbót le mken bélê le bè yóm ken dsù le ebè yó kem kul dwata lennged kem tau Muab. Tahu se, gbót le mken yó kem tau Israél ne mung le tmaba ebè kul dwata lennged boluyen Baal bè yó bè Piyor.

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

1 Kurin 10:20

Kaem ebè busaw gónó le e demsù yó kem tau demsù bè dwata kéng. Sundu ebè yóm tahu Dwata du. Ne là kóe móyô ke gbót ye tmaba bè busaw.

Matyu 5:28

Okóm ni dou tulón kuy, balù bè olo ketngelem ebè yóm libun ke wen óyóem du gu lem, deng timbang snamukem ne, abay se deng deng bè yóm kehedemem du.

Kem Lingón 121:1

Temngele ebè yó kem bulul, yó hendemu, gónón gu lemwót de yóm tmóbóng do?

Kehewà 34:15

Béen abay wen senkotuk ye bè yó kem tau bè yóm benwu yó, abay se ke demsù le ebè yóm kul dwata lennged ne ke tmaba le ebélê le, ngem kà tinok le kuy anì mung ye bélê le ne gsindil ye mken du yóm ken deng dsù le ebè yóm kul dwata.

Kem Udél Hlalak Tehe Selumun 6:29

Lómón se ni laen dù tau smamuk tuha libun dumu tau, duhen ke mogot du ke là megtafaken.

Isikél 18:5

Mò kmoen ke wen tau tedeng kmoen, gulit kloloen du yóm hlolou kul,