Isikél 18:5 - Udél Dwata: Gna Kesfasad ne Lomi Kesfasad

⁵ Mò kmoen ke wen tau tedeng kmoen, gulit kloloen du yóm hlolou kul,

Isikél 18:5 Referans Kwoze

Isikél 33:14

Sotuhen, mò kmoen se ke eles tulónu yóm tau mò sidek yóm angat katayen, okóm kogolen bè yó tenfloken yóm kmoen sidek ne tendo gel nmoen yóm tedeng ne yóm hyu,

1 Jan 3:7

Bê ye hegsukat bè kem dumu tau, kem ngà. Ke tedeng nmò yóm tau, yó se yóm tau deng tedeng kmoen, hol mkél bè yóm kun ktedeng kmò Krays.

1 Jan 2:29

Lemwót bè yóm ketngón ye du tey tedeng yóm Krays, bud tngón ye snéen ke tedeng kmoen yóm tau, du se yóm tau deng tahu ngà Dwata.

1 Jan 2:3

Wen gónó ye milô du ke tahu yóm deng ketngón ye ke Dwata, duhen ke deng nimón ye yó kem kun hlau.

Kem Udél Hlalak Tehe Selumun 21:3

Tey hyu nawa Dwata du yóm tedeng ne yóm là kkihu senta yóm gel dsù ebéléen.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Jirimaya 22:15

Okóm balù nô ktilob yóm gónô bong hdaem Jihuyakim, là kô gbeken hemtilob du yóm kegetahem. Yó gónón alì tahà kogoten benwu Jusaya yóm maem, abay se monem tedeng kogoten benwu. Yó se gónó Dwata alì tmóbóng du.

Isikél 18:4

Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Isikél 18:6

ne là tmabahen ebè dwata kéng yóm gel tnaba yó kem tau Israél ditu ta bulul ne se là kóen mken yóm deng gel dsù le ebélê le. Là kóen se smamuk ne là tagad gel kneyeken du yehenen bè yóm igoen tolo wen hen-gifaten.

Jirimaya 7:5

Són gónóhu kmodu kuy ke kó ye yóm sidek nô lem hendem ye ne yóm sidek gel nmò ye. Knoduhu yu ke tedeng nmò ye bè yó kem dumu ye tau.