Isikél 18:4 - Udél Dwata: Gna Kesfasad ne Lomi Kesfasad

⁴ Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Isikél 18:4 Referans Kwoze

Isikél 18:20

Yóm tau gel mò sidek, yó se yóm tau géhél matay. Là kô na e nbô ngaen logi du yó kem salà nmò maen. Dalang se yóm maen, là kô nan e nbô du yó kem salà nmò ngaen logi. Yóm tau tedeng kmoen, bud hyu se ofolen lemwót bè kmoen yóm hyu. Yóm tau mò sidek, angat tnafak lemwót bè yóm kmoen sidek.

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Lista 16:22

Okóm tódô le lemfen bè tonok le Musis ne Aron ne yó mon Musis mò ke Dwata, “Ó Dwata, uu se hlowil yóm kdéen mowil. Ke olohen tek sotu tau yóm mò sidek gotu homong lenbutem kô yóm kdéen tau?”

Hibru 12:9

Bè yó kem mà tekuy te tonok, tey gel kadat tekuy kul baluen ke wen gónó le gel tmedeng tekuy. Mom milud he kadat tekuy du yóm Mà tekuy bè longit anì blayen tekuy yóm klowil laen dù sónen.

Sikaraya 12:1

Yóm udél Dwata ni, gbak ebè yó kem tau Israél. “Ni se udél yóm Dwata mból longit ne mò tud blóngón tonok ne hlowil tau, monen,

Glasya 3:22

Deng monen bè Sulat Dwata, tódô kdéen tau bè klamangen benwu, gotu le gmung bè yóm óyô le mò sidek. Yó gónóm mon, tek sotu gónó tekuy gmuta du yóm klowil tehe fasad Dwata tekuy, són bè kehtahu tekuy bè Jisas Krays.

Isaya 42:5

Bè yóm tehe kedlimun Dwata yó kem longit seglafin, hol lómón ke mból nes lenulun bè klamangen. Ne bud dlimunen tonok ne kdê yó kem nô tahen. Deng gotu hlowilen yóm kdéen tau nô tahen. Ne ni wen udélen ebè yóm tau tóbóng lówóhen, monen,

Lista 27:16

“Ó Dwata, yóm dou gónó mogot. Uu se gónón lemwót yóm kdéen mowil. Mnihe béléem anì méléki sotu tau mò hlós malak kul ni kem tau ni,

Isaya 57:16

Deng tehe hlowilu yó kem dou tau ne là bud henlósu du ne yóm kduónu kul ne yóm kebutu kul.

Jirimaya 31:30

Okóm là ne ni. Yóm tuha mken du yóm grép alì msom bud du se ngilów du. Yó gónóm mon, tódô ket tau matay bè yóm salà kun nmò.”

Isikél 18:3

Okóm ni se dou udél yóm sana Dwata hol dandónen geta, safau bélê ye hlanu bè yóm là katayu, là bud udél ye du ne bè benwu Israél ne yóm udél hlalak ni.

Isikél 18:5

Mò kmoen ke wen tau tedeng kmoen, gulit kloloen du yóm hlolou kul,

Isikél 33:8

Ke eles hetgamahu yóm tau mò sidek yóm angat katayen ne ke là eles tnulónem du anì tenlesen kmoen, angat matay yóm tau yó igoen tolo nô tahen yó kem salaen, okóm angat ntuku béléem yóm katayen.

Isikél 3:18

Ke yó eles hetgamahu yóm sotu tau gel mò sidek, monu, ‘Lemwót bè yóm sidek gel nmoem, hukolu klowilem.’ Okóm ke là dog tulónem du yóm eles hetgamahu du yó, angat matay yóm tau yó igoen tolo wen salà nô tahen. Ne uu gónóhu angat mtuk du yóm katayen yó.