Isikél 18:21 - Udél Dwata: Gna Kesfasad ne Lomi Kesfasad

²¹ Okóm ke tenfloken yóm kmoen sidek yóm tau yó ne ke gulit kloloen du yó kem dou hlau ne ke nmoen yóm tedeng ne yóm hyu, là kóen kendel matay yóm tau yó, fen mowil se kun.

Isikél 18:21 Referans Kwoze

Isikél 33:19

Okóm yóm tau mò sidek, ke tenfloken yóm kmoen sidek ne tendo nmoen yóm tedeng ne yóm hyu, angat mowil du se yó.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

Sulat Pol Ebè Yó Kem Tau Hemtahu Bè Rom 8:13

Abay se ke henlel nmò ye yóm kuy knóyô, angat ye hlós elem hatay. Okóm ke hlan ye bè Tulus Dwata mò tmóbóng kuy kembê du yóm sidek anì là glolò ye du yóm knóyô lówó, angat wen kuy klowil laen dù sónen.

Kun Snulat Luk 24:47

Lemwót bè kun boluy, wen lan Dwata hmifót salà yó kem tau deng hegsel.’ Ni se,” monen, “yóm tulón angat hlós sensból ye bè klamangen benwu. Bè ni bè Jirusalim gónó ye mbut hból du.

Isikél 18:9

Ne gulit kloloen du yó kem dou hlau kul ne yó kem dumu dou hlolò kul. Yóm tau mò du ni kem ni, yó se yóm tau tedeng kmoen ne angat mowil, mon yóm sana Dwata hol dandónen geta.

Sulat Jim 2:26

Duhen yó, yóm lówó tau, ke là buden nô du nawahen, deng matay ne, laen dù bud muhen. Senged se yóm kehtahu tekuy, ke là hmung tekuy du yóm nmò hyu bè kem dumu tekuy tau, laen dù bud muhen yóm kehtahu tekuy yó.

Isikél 18:5

Mò kmoen ke wen tau tedeng kmoen, gulit kloloen du yóm hlolou kul,

Isikél 18:30

Bud ni se udél yóm Dwata hol dandónen geta, monen, “Duhen ni, kem tau Israél, angat knukumu yu ket kuy na sotu lemwót bè yó kem deng nmò ye. Knogol ye ne yó kem sidek gel nmò ye anì là gwiten kuy lem hatay.

Isikél 18:19

Okóm yóm gel snólók ye yóm mon ye, ‘Moen de kun yóm ngà logi yóó ke là megtafaken lemwót bè yó kem salà tehe gel nmò maen?’ Là gi. Yóm ngaen logi yó, lemwót bè yóm fen kmoen du yóm tedeng ne yóm kgulit tendo kloloen du yó kem dou hlolò kul, yó se lowilen.

Kem Lingón 119:112

Deng eles hendemu ne yóm kimónu du yó kem hlauhem efet kól bè kukol towoku.

Kem Lingón 119:80

Hyu ke laen dù belenen bè yóm kimónu yó kem hlauhem anì laen dù gónów myak.

Sulat Jim 2:14

Ó kem dumuhu setwoli, ke mon yóm sotu tau, “Denge hemtahu se dou,” tedu se bang tô gónón e kól du yóm monen yó ke là se gfanen bè kmoen? Là kóen na a gewà du yóm tau ke olon bè sumóngen yóm kehtahuhen.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Isikél 36:27

Suu bélê ye yóm dou tulus anì nimón ye yó kem dou hlau kuy ne anì wen ketgama ye mò du yóm dou hlolò kuy.

Isikél 18:17

tnóbóngen yó kem élél, là hngaen du ke wen hutóngen ne tey gulit kloloen du yóm kdê dou hlau ne yó kem dou hlolò kul. Là kô naw e hukol du klowilen yóm tau yó lemwót bè yó kem salà gel nmò maen, fen mowil se kun.

Isikél 3:21

Okóm ke eles wen hetgamahem du yóm tau yó ne ke hegsel ne tenfloken yóm kmoen sidek, là kô hukolu du klowilen, dalang se kóm abay se deng nmoem yóm hmou kóm.”

Kem Lingón 119:1

Hligal le kul yó kem tau laen dù belen le, yó kem tau lemolò du yóm hlau Dwata.

Tekang Kbuten 26:5

Yó gónón lemwót yóm któbóngu kóm, lemwót bè yóm tehe tendo kimónen dou yóm kóm mà ne yóm là kuléhen du yóm dou gel hlau du ne yóm dou gel hmò du.”

Jirimaya 18:8

okóm ke yó nmò yó kem tau bè yóm benwu yó, knogol le yó kem sidek gel nmò le, là kô hendohou du yóm deng monu yó, là kô genbau du yóm benwu yó.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

Jirimaya 26:3

Déke gungol yó kem tau ne tenflok le yó kem sidek tendo gel nmò le. Ke yó nmò le, là kô hdohou du yóm keglau kul lemwót bè yó kem sidek gel nmò le.