Isikél 18:16 - Udél Dwata: Gna Kesfasad ne Lomi Kesfasad

¹⁶ ne là se hen-gnoken kem dumuhen tau. Ne bud gel huléken yóm sandà béléen ne là se kóen mnagaw bélê le. Gel benlayen yó kem bitil ne benlayen nes yó kem tau laen dù kul,

Isikél 18:16 Referans Kwoze

Isikél 18:7

Tau knoduhen kem dumun, là gel heglólóben du sandà yó kem tau élél. Là kóen na a mnagaw bè yó kem tau élél, mom gel benlayen yó kem bitil ne tódô gel benlayen nes yó kem tau élél.

Kun Snulat Luk 14:13

Ke moi ken bong,” monen, “yó dé tinokem tu kem tau élél, yó kem tau hikot, yó kem tau tugô, ne yó kem tau butô.

Kun Snulat Luk 11:41

Yó dé hyu, olò bnasa ye lu tu kem élél mò balà yóm hyu gel hton ye ta.

Kem Udél Hlalak Tehe Selumun 31:20

Là kóen sgafas nawahen ebè yó kem tau élél ne gel benlayen yó kem tau là deng wen gónón ma.

Kem Udél Hlalak Tehe Selumun 25:21

Ke bitil yóm hohonem, henkenem ne ke meeng, hinumem.

Kem Udél Hlalak Tehe Selumun 22:9

Nuyag Dwata yóm tau bkas nawahen ebè kem dumun ne gel benlayen ken yó kem tau élél.

Kem Lingón 41:1

Ya tey kehligal le kul yó kem tau gel tmóbóng yó kem tau élél. Sal gel lenwà Dwata lu bè yóm gónón wen hlayam le.

Job 31:19

Ke wen tau tonu sidek kélélen laen dù nesen

Matyu 25:35

Abay se bè yóm tehe kbitilu, tódô henken ye ou. Ne bè yóm tehe kleengu, tódô hinum ye ou. Ne bè yóm tehe kilohu, tey khódó ye do.

Matyu 25:36

Bè yóm tehe klaen dù nesu, wen blay ye do mò nesu. Ne bè yóm tehe kwen desu, tey gel kesgifà ye do. Ne bè yóm tehe knóu lem blanggù, tódô gel nauy ye ou.’

Job 31:16

Là deng wen gónóhu tmóbóng kul he kô yó kem tau élél? Ne yó kem libun bolu gel htóbóng béléu, là deng gel tnóbóngu kul he kô?

Job 31:20

sal gel dóyón le o bè yóm nes gel blayu kul, yóm nes mfól lemwót bè bul yó kem dou ubiha anì là bud le tnaw.

Isikél 18:12

gel hen-gnoken yó kem tau élél ne là dog gel huléken yóm kimu sandà le béléen, gel tmaba ebè yó kem dwata kéng ne tendo gel slomong bélê le mò yóm gónó myak.

Isikél 18:15

Là tmabahen gu ta yó kem bulul ebè yó kem dwata kéng yó kem tau Israél ne là se kenen du yóm deng dsù ebélê le. Là se kóen smamuk