Isikél 18:12 - Udél Dwata: Gna Kesfasad ne Lomi Kesfasad

¹² gel hen-gnoken yó kem tau élél ne là dog gel huléken yóm kimu sandà le béléen, gel tmaba ebè yó kem dwata kéng ne tendo gel slomong bélê le mò yóm gónó myak.

Isikél 18:12 Referans Kwoze

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

2 Bok Kem Tau Hol Geta 21:11

“Deng nmò Manasi yóm tau hol geta bè Juda yó kem nmò alì kenbê, nmoen yóm alì sidek senta yó kem sidek tehe nmò yó kem tau Amurayt, yó kem tau tehe gna nô ta nim tonok ni gu laanu là deng bemlay du bè yó kem tau Israél. Deng niten tmaba ebè dwata kéng yó kem tau bè Juda.

Sikaraya 7:10

Bê ye abay hen-gnok yó kem libun bolu ne yó kem ngà hikit, dalang se yó kem tau milo elem blóng ye ne yó kem tau élél. Hol bê ye abay mò atul sidek ebè kem dumu ye.

Isikél 18:16

ne là se hen-gnoken kem dumuhen tau. Ne bud gel huléken yóm sandà béléen ne là se kóen mnagaw bélê le. Gel benlayen yó kem bitil ne benlayen nes yó kem tau laen dù kul,

Sulat Jim 2:6

Okóm kuy, là kô nadat ye kul. Fen hegeta ye yóm tau wen kendengenen. Okóm tau du se fen gel hemgnok kuy? Tau du se gel mit kuy ebè yó kem dyad? Hono yó kem tau wen kendengen le.

Jirimaya 22:17

“Okóm kóm Jihuyakim, teyi seglom, geli tmulón kéng. Gel hnatayem yóm tau laen dù salaen ne gel hen-gnokem yó kem tau élél ne tey sidek kwitem kul yó kem tauhem.”

2 Bok Kem Tau Hol Geta 23:13

Bud gholu Jusaya snéen yóm gónó le gel tmaba ebè dwata kéng fi dmata kdaw Jirusalim ne fi leged yóm bulul boluyen Bulul Hono Sidek. Bè yóm bulul yó, gónó Selumun bè Israél tehe hemdà yóm gónô tmaba ebè yó kem dwata kéng alì kenbê, duhen Astarti yóm dwata libun yó kem tau Sidon ne Kimus yóm dwata kem tau Muab ne Molék yóm dwata yó kem tau Amunayt, hono dwata kéng alì kenbê.

Jirimaya 22:3

Ni se udél Dwata ebélê ye, monen, hol bê ye abay kmihu, nmò ye yóm tedeng. Tnóbóng ye yó kem tau deng wen hennagaw le bélê le. Lenwà ye yó kem tau hen-gnok lem hólól yó kem tau hemgnok kul. Tenflok ye ne yóm kmò ye sidek. Bê ye abay hensidek yó kem tólóng tau nô lem blóng ye kkólen bè yó kem ngà hikit ne yó kem libun bolu. Bê ye abay hnatay yó kem tau laen dù salà le.

Isikél 33:25

Ni hol tulónem yó kem tau yó yóm udél yóm sana Dwata hol dandónen geta, yó monen, Deng gel ken ye yóm utón mung du litóen, deng ye tmaba ebè yó kem dwata kéng ne deng hnatay ye yó kem tau laen dù salaen. Knóón kô ke kuy funen yóm tonok yó?