Isikél 18:11 - Udél Dwata: Gna Kesfasad ne Lomi Kesfasad

¹¹ Tódô gotu nmoen yó kem sidek tehe là nmò maen du. Mom tmaba ebè yó kem dwata kéng gu ta yó kem bulul, lelen gel smamuk,

Isikél 18:11 Referans Kwoze

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

1 Jan 3:22

Balù kihu hni tekuy béléen, tódô blayen tekuy, abay se gel nimón tekuy yó kem kun hlau, ne gel nmò tekuy yóm gónón hyu nawan bélê tekuy.

Sulat Jim 2:17

Hol lómón yó se yóm kehtahu ye. Ke là dog wen gel tóbóng ye kem dumu ye, kéng yóm tô kehtahu ye yó.

Flipay 4:9

Hol gel nmò ye yó kem deng dnalang ye lemwót bè yóm deng gungol ye ne yóm deng ton ye béléu. Ke yó se nmò ye, hlós nô bélê ye Dwata, yóm tendo henek nawa tekuy.

Kun Snulat Jan 15:14

Weu yu ke nimón ye yóm hlauhu kuy.

Kun Snulat Jan 13:17

Deng tngón ye ne ktahuhen nim monu mò kuy ni, bong kehligal ye ke nmò ye.

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

Isikél 18:15

Là tmabahen gu ta yó kem bulul ebè yó kem dwata kéng yó kem tau Israél ne là se kenen du yóm deng dsù ebélê le. Là se kóen smamuk

1 Bok Kem Tau Hol Geta 13:22

Dengi se bud mulék edini ne mken ne minum él igò Dwata tehe mon du mò kóm, béi mken ne béi minum él bè yóm benwu yó. Lemwót bè nim deng nmoem ni, là kô lebeng le kóm bè yóm gónó le lebeng yó kem tehe fuem.’ ”

1 Bok Kem Tau Hol Geta 13:8

Okóm yó balaen du yóm tau Dwata yó yóm tau hol geta, monen, “Anien ke blayem do yóm sóól bè yó kem nfunem, là kóe mung kóm. Là kóe mken ne là kóe minum él bè nim benwu ni.

1 Kurin 6:9

Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.

Isikél 18:10

Okóm mò kmoen yóm tau ni ke wen ngaen logi. Ke yó nmò yóm ngaen logi yó gel mnagaw ne monok là dog nmoen du yóm hyu.