Isikél 17:9 - Udél Dwata: Gna Kesfasad ne Lomi Kesfasad

⁹ Ne yó snólók yóm sana Dwata hol dandónen geta, monen, Hyu kô hlowil du yóm lemfà ni? Là hyuhen. Yó angat nmò yóm tanay banug, gotu kenduten mung du dolilen ne gotu tenfoken hangahen anì gotu mékéng yó kem dounen. Tey mahil kemdut du. Anien he ke laen dù tau kemgis kemdut du, duhen ke dê kem tau tmóbóng kemdut.

Isikél 17:9 Referans Kwoze

Isikél 17:10

Baluen he ke wen bud mulu du, bud mowil kô? Là ne, tódô menes ke nayuf yóm lenos alì kinì lemwót fi dmata kdaw. Angat matay bè yó bè yóm tonok hyu tehe gónón minggel ktowoken.’ ”

Jirimaya 37:10

Baluen he ke gemmò ye bè kdê yó kem sendalù Babilun ne són mowil bélê le yó kem olon hnalì, kaem yó kem olo le hnalì yó tódô le btik bè yó kem kamfù le na le e ntem nim syudad ni.”

Jirimaya 32:5

Nwitu Sidikaya ebè Babilun ne bè yó gónóhu tmafak du. Ke mit ye sgida bè yó kem tau Babilun là kô ye na a gemmò. Dwata se nim mudél ni.”

2 Tutul Israél 20:20

Hol hlafus hayahen bè yó, gotu le btik yó kem sendalù Juda, mógów le ebè yóm benwu laen hol wen tauhen bè Tikuwa. Bè yóm hanà knô le bè lan, htengen mdà Jihusafat, ne yó udélen ebè yó kem tau, monen, “Ó kem tau Juda ne kem tau bè Jirusalim, hnungol ye ou yóm kdê ye. Hentahu ye Dwata yóm Dwata hol kuy gónó mogot, anì mbegel ye. Hentahu ye yó kem tugoden anì wen gónón e kól yó kem nmò ye.”

2 Tutul Israél 13:12

Ngem, Dwata se nô bélê me. Du se malak kum. Yó kem tau gel blóng me ebéléen gotu le mféw, nalak le mi gmida kuy. Ó kem tau Israél, bê ye nwit sfatay Dwata yóm Dwata yó kem tehe fù ye, abay se là kô ye na a gemmò.”

Lista 14:41

Okóm yó mon Musis mò kul, “Ke tahu yóm kehegsel ye yó, moen du ke là nimón ye du yóm khulék Dwata kuy elem yóm benwu laen hol wen tauhen? Là kô ye na a matù bè nim kundug ye ni.

Isikél 17:8

Mom yó nmoen igoen tey mabù yóm tonok gónón mteg, lelen tey wen él bè yó anì tilob ktowoken ne mobung dounen ne anì tilob kbunguhen.

Amus 2:9

Lómón yó se yóm là kimón le do yó kem dou tau, igoen ou yóm tehe tmóbóng kul. Gu laan le là deng kól bè yóm benwu blayu kul yó kem dou tau, ou se tehe gemlà kul yó kem tau Amurayt nô bè yó, kem tau alì tahà lómó ktahà le koyu sidar ne lómón ke lu yóm koyu alì mtétél bè kdéen. Okóm sulék genlau lu.