Isikél 17:7 - Udél Dwata: Gna Kesfasad ne Lomi Kesfasad

⁷ Okóm bud wen sotu banug bong sut bè yó, tey tahà ból hafaken ne tey mfól bulen. Lemwót yóm lemfà yó koni, mom bud lemfà ebè yóm lomi banug sut mni él béléen.

Isikél 17:7 Referans Kwoze

Isikél 17:15

Okóm yóm tau hol geta bè Israél, mom natuen yóm tau hol geta bè Babilun. Yó nmoen, hógów tau ebè Idyip hefnihen tóbóng ditu, tey kem sendalù wen ne kem kudà hnihen ditu. Kmò kehedemem du, gbek Israél kô mulé du yóm deng senfasad le ne là wen tmafak du?

2 Tutul Israél 26:13

Ne yó kem sendalù nalak le, botong tlu latu hitu libu bud limu latu kdê le. Deng le eles htifes mung bè yóm tau hol geta mit sgida bè yó kem hohonen.

2 Bok Kem Tau Hol Geta 24:20

Duhen yó, lemwót bè yóm alì kebut Dwata kul yó kem tau bè Jirusalim dalang se yó kem tau bè Juda, gotu kóhen lu bè soluhen, ne gotu hegefen lu mayuk. Omin Sidikaya matù yóm tau hol geta bè Babilun, là buden móyô hogot béléen.

Isikél 17:6

Tódô dmolil bè yó tey lemfà, bede là katen tahà. Yóm lefaen, lemfà etu bè yóm banug ne tey mgemel kdolilen. Ngangen efet mgemel yó kem hangahen ne tey mobung dounen.Okóm bud wen sotu banug bong sut bè yó, tey tahà ból hafaken ne tey mfól bulen. Lemwót yóm lemfà yó koni, mom bud lemfà ebè yóm lomi banug sut mni él béléen.

Isikél 17:8

Mom yó nmoen igoen tey mabù yóm tonok gónón mteg, lelen tey wen él bè yó anì tilob ktowoken ne mobung dounen ne anì tilob kbunguhen.