Isikél 17:6 - Udél Dwata: Gna Kesfasad ne Lomi Kesfasad

⁶ Tódô dmolil bè yó tey lemfà, bede là katen tahà. Yóm lefaen, lemfà etu bè yóm banug ne tey mgemel kdolilen. Ngangen efet mgemel yó kem hangahen ne tey mobung dounen.Okóm bud wen sotu banug bong sut bè yó, tey tahà ból hafaken ne tey mfól bulen. Lemwót yóm lemfà yó koni, mom bud lemfà ebè yóm lomi banug sut mni él béléen.

Isikél 17:6 Referans Kwoze

Isikél 17:14

anì laen dù bud kgis yó kem tau Israél ke tô le bud matù. Tek són bè yóm là kulé Israél du yóm deng senfasad le gónón tolo wen benwu le.

Matyu 13:26

Ne ominen tmowok yóm halay, ne tmowok se kun yóm lem kluon. Timbow deng nbuten mosò yóm halay, yó he kdilô le du yóm kluon deng gbol lemen.

Kem Lingón 80:8

Bè yóm tehe kwitem kum hewà gu bè Idyip, lómón ke wen hulu lemfà nitem gu ditu. Gotu hdóhem yó kem tólóng tau là hemtahu le béléem, ne huluhem bè tonok le yóm hulu lemfà yó koni.

Isikél 17:5

Bè yóm benwu gónón ma yóm tubed sidar yó koni, wen sotu hulu lemfà nwahen ne huluhen bè yóm gónón mabù tonok tendo wen élen anì tilob kenoken, lómón yóm koyu mteg kilil él.

Isikél 17:7

Okóm bud wen sotu banug bong sut bè yó, tey tahà ból hafaken ne tey mfól bulen. Lemwót yóm lemfà yó koni, mom bud lemfà ebè yóm lomi banug sut mni él béléen.

2 Tutul Israél 36:10

Bè hanà kbut yóm halay tmodol, hfangay Nibukadnisar Jihuyakin ne nwit le ebè Babilun. Bè yóm kdaw yó, tey dê kimu legen alì mebtes nô lem Gónô Dwata negef le ebè Babilun. Omin Nibukadnisar mélék ke Sidikaya yóm mà dì Jihuyakin, mò tles tau hol geta bè Juda ne bè Jirusalim.