Isikél 17:4 - Udél Dwata: Gna Kesfasad ne Lomi Kesfasad

⁴ ominen temfok yóm hol tubeden. Ne nwiten ebè yóm sotu benwu bong hono kem tau swa nô lemen ne bè yó gónón mulu du yóm tubed tenfoken yó.

Isikél 17:4 Referans Kwoze

Deng Hegfan 18:3

Tódô kdéen dumu benwu, deng le gotu segbót minum béléen bè yóm kun ninum alì lóbô, duhen yó se yóm gel kwiten kul mò samuk. Tódô kdéen tau hol geta bè klamangen benwu gotu dumuhen sesamuk. Ne yó kem kdéen tau gel mò udél swa lemwót bè klamangen benwu, gotu le baling kwasa lemwót bè yóm là kgafasen yóm kdê knóyô lówóhen.”

Isaya 43:14

Yó bud mon yóm Dwata gónó ye mogot yó kem tau Israél, yóm Dwata laen dù belenen yóm lemwà kuy, “Yó kmò kehewau kuy gu bè Babilun, wen kem tey sendalù hógówu etu naw e hegbà yó kem tikeb bengen yóm syudad yó. Yóm tehe kehsag yó kem tau Babilun, mom baling langat le.

Isikél 17:3

Hgefetem bélê le nim udél lemwót bè yóm sana Dwata hol dandónen geta, yó monen, ‘Wen sotu tey banug bong sut bè Libanun. Ya tey ktahà hafak nbólen, bede tey segkay yó kem betek bulen. Yó nmoen, nogoten yóm hanga koyu sidar hol tnulunen,

Isikél 17:5

Bè yóm benwu gónón ma yóm tubed sidar yó koni, wen sotu hulu lemfà nwahen ne huluhen bè yóm gónón mabù tonok tendo wen élen anì tilob kenoken, lómón yóm koyu mteg kilil él.

2 Bok Kem Tau Hol Geta 24:12

Omin Jihuyakin heglaan bè Nibukadnisar, mung du yó kem tau gónón gel hmungol hlau, ne yó kem sfu tau hol geta, ne yó kem genlalen, ne yéen, gotu le heglaan bè yóm tau hol geta bè Babilun. Bè yóm gwoluhen halay kkamal Nibukadnisar bè Babilun, negefen Jihuyakin ne bnangguen ditu bè Babilun.

Jirimaya 24:1

Kogol yóm deng kegef Nibukadnisar bè Babilun ke Jihuyakin yóm ngà yóm tehe Jihuyakim bè Juda, mung du yó kem genlalen ne yóm kdê tau wen kenhulung tdok le, wen hton Dwata béléu. Yó tonu wen lewu abì hnok fig myón bè lewà yóm Gónô Dwata bè Jirusalim.