Isikél 17:3 - Udél Dwata: Gna Kesfasad ne Lomi Kesfasad

³ Hgefetem bélê le nim udél lemwót bè yóm sana Dwata hol dandónen geta, yó monen, ‘Wen sotu tey banug bong sut bè Libanun. Ya tey ktahà hafak nbólen, bede tey segkay yó kem betek bulen. Yó nmoen, nogoten yóm hanga koyu sidar hol tnulunen,

Isikél 17:3 Referans Kwoze

Danyél 4:22

Tum koyu tonem mteg tu, uu se hnigaden. Deng tey kbegelem ne tey kegetahem. Yóm kegetahem, lómón ke gesduk bè longit ne yóm kkamalem benwu deng gefet bè són tonok.

Isikél 17:7

Okóm bud wen sotu banug bong sut bè yó, tey tahà ból hafaken ne tey mfól bulen. Lemwót yóm lemfà yó koni, mom bud lemfà ebè yóm lomi banug sut mni él béléen.

Matyu 24:28

Angat dohò nim tulónu kuy ni. Lómón yóm gel mon le, ‘Yó se gónón mta lób, yó se gónón e sguku wak.’ ”

Danyél 7:4

Yóm tanay ógóf lóbô tonu hol lómón ke liyun, bede wen hafaken lómón tô hafak banug. Yóm igou temngel, tódô wen kemtos kemdut du yóm hafaken ne tódô hdà le eta bè tonok yóm lewu tihen lómón kdà tau ne wen nawa tau blay le du.

Danyél 2:38

Gotu hkamalen kóm yó kem tau bè klamangen benwu. Là són du tau knamalem, bud gotu homong hkamalen kóm yóm kentihen ógóf lem bnes ne kentihen onuk koyu, gotu hkamalen kóm. Uu se yóm kulu blówón tonem yó.

Jirimaya 24:1

Kogol yóm deng kegef Nibukadnisar bè Babilun ke Jihuyakin yóm ngà yóm tehe Jihuyakim bè Juda, mung du yó kem genlalen ne yóm kdê tau wen kenhulung tdok le, wen hton Dwata béléu. Yó tonu wen lewu abì hnok fig myón bè lewà yóm Gónô Dwata bè Jirusalim.

Dwata 28:49

Angat wen sotu but tau hwit Dwata ebélê ye lemwót bè yóm benwu bè hol són tonok mò gmida kuy, yóm benwu là deng kuy hnikót tngón du udél le. Yóm kmò le kuy, hol lómón ke semkot kemfô yóm banug.

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Isikél 17:4

ominen temfok yóm hol tubeden. Ne nwiten ebè yóm sotu benwu bong hono kem tau swa nô lemen ne bè yó gónón mulu du yóm tubed tenfoken yó.

Hbakuk 1:8

Yóm alì kehlóng yó kem kudà le, botong kéng kehlóng yóm sotu ógóf lóbô lem bnes boluyen lipard. Ne yóm alì klóbô le, hol lómón klóbô yóm ohu lóbô lem bnes ke deng bitil. Yó kem tau gmida smakay kudà bélê le, lemwót le gu bè benwu mayuk. Tey kehlóy le yó kem kudà le, hol lómón ke dmauf banug ke wen kenfóen.