Isikél 17:10 - Udél Dwata: Gna Kesfasad ne Lomi Kesfasad

¹⁰ Baluen he ke wen bud mulu du, bud mowil kô? Là ne, tódô menes ke nayuf yóm lenos alì kinì lemwót fi dmata kdaw. Angat matay bè yó bè yóm tonok hyu tehe gónón minggel ktowoken.’ ”

Isikél 17:10 Referans Kwoze

Husiya 13:15

Anien ke lómón klobung kluon yóm Israél, okóm angat hwitu ebélê le yóm lenos kinì gu bè yóm benwu là hyu menwu du fi gu dmata kdaw anì gotu kti yó kem tbul él ne yó kem kokol le. Angat gotu negef yó kem hohon le yó kem kimu mebtes deng henyu le.

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

Kun Snulat Jan 15:6

Yóm tau ke là heneken béléu, lómón ke hanga ntok tódô hgasà, hlós mékéng. Gotu sentifun le lu, omin le mbot kul elem ofi, ne gotu mlób.

Mark 11:20

Hol hlafus bè yó, bud lan le Jisas mius bè yóm koyu fig ne ton le yóm deng sana kékéngen efet kól bè dolilen.

Matyu 21:19

Ne wen tonen sotu koyu mdà kilil lan boluyen fig. Omin Jisas mógów etu, nénégen ke wen bunguhen, okóm laen duen, tódô hono doun. Omin Jisas mudél ebè yóm koyu yó, monen, “Nbuten ni là kói na e bud mungu.” Tódô sen-gengen se mékéng yóm koyu yó.

Jirimaya 32:5

Nwitu Sidikaya ebè Babilun ne bè yó gónóhu tmafak du. Ke mit ye sgida bè yó kem tau Babilun là kô ye na a gemmò. Dwata se nim mudél ni.”

Isikél 17:9

Ne yó snólók yóm sana Dwata hol dandónen geta, monen, Hyu kô hlowil du yóm lemfà ni? Là hyuhen. Yó angat nmò yóm tanay banug, gotu kenduten mung du dolilen ne gotu tenfoken hangahen anì gotu mékéng yó kem dounen. Tey mahil kemdut du. Anien he ke laen dù tau kemgis kemdut du, duhen ke dê kem tau tmóbóng kemdut.

Isikél 17:11

Yó bud udélen ebéléu yóm sana Dwata hol gónó mogot, monen,

Tekang Kbuten 41:6

Ominen bud wen hitu kanguy halay tonen msut huli okóm hono kafa lemwót bè yóm tey lenos kinì gu dmata kdaw.