Isikél 1:4 - Udél Dwata: Gna Kesfasad ne Lomi Kesfasad

⁴ Yóm igou temngel, tódô tonu yóm tey lenos mbel fi gu bwak, mung du yóm tey lobun mfól alì sminang lel yóm tey silà mkal gu lemen. Wen ofi bè gónón sóól yóm lobun yó, mom sminang mélél hol lómón yóm tembaga deng hló.

Isikél 1:4 Referans Kwoze

Isikél 1:27

Yóm tau myón tahen yó, lenwóten bè ówóken kól eta hol lómón keslinangen yóm tembaga sminang mélél deng hló, lómón dilóf ofi kmoen. Ne bud lenwóten bè ówóken kól elaan tey sminang knóón hol lómón ke dilóf ofi.

Jirimaya 23:19

Ngem yóm kebut Dwata kul, hol lómón ke mbel yóm hol yéen lenos bong gotu tnódóen yó kem tau gel mò sidek.

Deng Hegfan 1:15

Ne yóm tihen lómón ksinangen yóm blówón lomi olo. Ne yóm udélen, hol lómón ke lungkul yóm tey hikong.

Hibru 12:29

abay se yóm Dwata tekuy, ke wen tnafaken, hol lómón ke mken yóm tey ofi.

Jirimaya 25:9

gotu sentifunu lu yóm kdéen sendalù lemwót bè yóm benwu fi bwak nogot Nibukadnisar bè Babilun, yóm deng néléku mò tóbóng lówóhu. Nwitu lu edini mò gmida bè ni bè Juda ne bè yó kem tauhen dalang se bè yó kem dumu benwu hmilol du. Gotu genlau yu gomong yó kem benwu hmilol kuy. Yó kem benwu yó, baling benwu knikò ne laen kô tul sónen yóm kegbaen.

Kem Lingón 50:3

Mógów edini yóm Dwata tekuy, ne là kóen tódô yem. Wen tey ofi eles tukô gna du, gotu kenen kdéen, ne mbel gu hilolen yóm tey lenos bong.

2 Tutul Israél 5:13

Yó kem tau mféw ne yó kem tau semngal, tódô le segeng dmóyón ke Dwata ne slamat le béléen. Segeng kul yó kem dumu tau mféw ne yó kem tau semdofì simbal, ne yó kem dumu gel huni le. Hgel le sngal le ne dóyón le Dwata, mon le, “Tey hyu yóm Dwata. Yóm kun kbong nawa là kóen monol ne laen kô dù tul sónen.” Bè yóm kmò le du yó, tódô tfeng lobun lem yóm Gónô Dwata.

1 Bok Kem Tau Hol Geta 19:11

Yó mon Dwata mò du, “Hwai dé ne mdai bè soluhu ta bulul.” Ne igoen mdà bè yó Ilaydya, mius se Dwata, ne tódô sut se yóm tey lenos bong gónón mluy ne tbó yó kem botu. Okóm là kóen nô bè yóm lenos yó Dwata. Kogol yóm lenos, sut se yóm tey linol, okóm bud là nóen bè yóm linol yó Dwata.

Sikaraya 6:6

Yóm klitun tók dyol kudà hitem fen mógów ebè yóm benwu fi bwak ne yóm klitun tók dyol kudà bukay fen huli du. Ominen yóm klitun tók dyol kudà kebting fen mógów ebè yóm benwu fi leged.”

Kehewà 9:24

Hetbó Dwata yóm tey bulók kulón mung du yóm silà tendo mkal. Ni he yóm tey bulók kulón ne silà là deng hnikót glumfak le du lemwót bè kbut yóm benwu le.

2 Bok Kem Tau Hol Geta 2:11

Bè yóm igò le stulón mógów, tódô sut lem blóng le yóm klitun tók hono ofi dyol yó kem kudà hono ofi kmò le. Tódô senkóhen lu yóm lewu le, ne tódô mung bè klifus bong Ilaydya mbatun etta ebè longit.

Job 38:1

Duhen yó, lemwót Dwata tódô mudél ebè Job gu lem yóm tey lenos bong, monen,