Isikél 1:3 - Udél Dwata: Gna Kesfasad ne Lomi Kesfasad

³ Bè yó bè kilil Él Kibar bè Babilun, wen udél Dwata ebéléu ne tódô gnómu yóm kogot Dwata do, ou Isikél yóm ngà Busi logi yóm Busi gel blóng tau ebè Dwata.

Isikél 1:3 Referans Kwoze

Isikél 3:22

Omin Dwata bud mogot do, monen, “Mógówi etu bè datal, ditu bud gónóhu stulón kóm.”

Isikél 3:14

Nkayen o yóm Tulus Dwata, ominen mit do. Tey sidek kegnómu du yóm kwiten do yó lemwót bè yóm deng gungolu ne yóm tey khééten yóm hmoen do. Okóm yóm Dwata, tey mbegel kogoten do.

1 Bok Kem Tau Hol Geta 18:46

Ya tey kehekgis Dwata ke Ilaydya tódô hget bekesen bè ówóken yóm nes tahaen, ne mlóy tukô gna ke Ahab efet kól ebè bak tikeb Jisriil.

Isikél 37:1

Omin Dwata bud mogot do, yóm sana Dwata hol gónó mogot. Yó nmò yóm Tulusen, nwiten ou etu bè yóm datal tódô hono tiol.

Isikél 33:22

Bè yóm kifu gu laanen là deng sut he, tódô gnómu yóm tey kfasang Dwata béléu, bud hudélen o anì yó bude gudél bè yóm kegdek yóm tau ni.

1 Timuti 4:1

Tey mtukul yóm eles kmonen du yóm Tulus Dwata yóm nmò yó kem dumu tau hulin kdaw. Tebel le yóm kul kehtahu, mom yó nimón le yó kem tulus kéng, ne yó kem tolok sekban lemwót bè kem busaw.

Juwél 1:1

Ni se udél Dwata hlanen bè Juwél yóm ngà Pituél logi, monen,

Husiya 1:1

Bè yóm tehe kesetles le mogot yóm benwu Juda le Usaya ne Jutam ne Ahas ne Hisikaya, yó fen mogot yóm benwu Israél duhen Jirubuam ngà Jihuas logi. Bè yó kem halay yó wen htugod Dwata ke Husiya yóm ngà Biri logi.

Isikél 1:1

Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Jirimaya 1:2

Bè yóm deng gesfoloen tlu halay kogot Jusaya yóm benwu Juda yóm ngà Amun logi, wen udél htugod Dwata ke Jirimaya.

Jirimaya 1:4

Yó udél Dwata ebéléu mon Jirimaya,

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.

Kem Lingón 137:1

Myón me bè kilil yó kem él bè Babilun. Tey kkik me bè yó, gtulón bè nawa me Sayun yóm kum benwu.

Danyél 10:4

Bè yóm gewuhen folò fat kdaw bè yóm tanay bulón, mdae bè kilil yóm él bong boluyen Tigris.

Jirimaya 29:15

Yó udél Jirimaya, monen, “Ofo kuy mon du ke wen kem tugod Dwata suen bélê ye bè yó bè Babilun, okóm là.

Isikél 3:15

Huléken o ebè yó kem tau Juda deng negef nô bè Tél Abib bè kilil Él Kibar. Botong hitu kdawu myón lem blóng le bè yó, là kóe gudél lemwót bè yóm deng tonu ne bè yóm deng gungolu.

Isikél 3:23

Tahu se, mógówe etu bè datal ne bè yó bud tonu yóm tey keklóón Dwata, hol lómón kmoen lómón yóm tehe ktonu du ditu bè kilil Él Kibar. Botonge gefen bè tonok yóm ktonu du.