Isikél 1:28 - Udél Dwata: Gna Kesfasad ne Lomi Kesfasad

²⁸ Yóm gu hilolen lómón ke wen léwés mnóng du, hol lómón yóm léwés gel gfan gu lem lobun ke kmulón. Yó se kmoen yóm klóón Dwata hono sminang deng hegfan béléu. Bè yóm ktonu du, botonge gefen bè tonok ne ominu mungol yóm mudél ebéléu.

Isikél 1:28 Referans Kwoze

Deng Hegfan 10:1

Ominu yó mton yóm sotu hógów Dwata alì kemgis htuntun gu bè longit. Tódô nô lem yóm tey lobun, ne lenéwés hilol kuluhen, ne lem uyóhen hol lómón mata kdaw, ne yóm tihen lómón ke hehek lenébéd dilóf.

Deng Hegfan 4:3

Yóm ktonu du, tódô sminang lemnaw ne hulô, lómón ksinangen yó kem botu dyaspér ne karnilyan. Ne wen tey léwés sminang lemnaw hilolen, lómón ksinangen yóm botu éméral.

Tekang Kbuten 17:3

Tódô hegdufok ebè tonok Abram.

Isikél 3:23

Tahu se, mógówe etu bè datal ne bè yó bud tonu yóm tey keklóón Dwata, hol lómón kmoen lómón yóm tehe ktonu du ditu bè kilil Él Kibar. Botonge gefen bè tonok yóm ktonu du.

Kul Nmò 9:4

Tódô gdouf bè tonok, sen-geng gungolen se yóm mudél, monen, “Ó Sol, Sole. Moen ni du ke sónmoem hmayam dou?”

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”

Kehewà 24:16

Mnaul elaan ta tfusù yóm bulul yó yóm tey layag Dwata tódô sminang. Bè kton yó kem tau Israél du yóm layag yó lómón kmoen lómón yóm ofi lemtom nô ta tfusù bulul. Botong nem kdawen tendo lemobun ta yóm bulul yó ne bè yóm ghituhen kdaw tnaba Dwata Musis gu lem yóm lobun yó.

1 Kurin 13:12

Yóm ketngón tekuy ke Dwata nim kmoen ni, hol lómón ke temngel tekuy elem yóm ma olung là holen tikaw. Okóm angat wen kdawen tódô tekuy suyó du. Nim kmoen ni, là dengen hol ket he yóm ketngón tekuy du. Okóm bè yóm kdaw yó, angat tódô ket du, hol lómón yóm deng ketngón Dwata tekuy nim kmoen ni.

Kehewà 16:10

Tahu se, gotu sentifun Aron lu yóm kdê le. Bè yóm igoen tolo mudél ebélê le, gotu le temngel ebè yóm benwu laen hol wen tauhen ne tódô henmung ton le yóm tey layag Dwata mung bè yóm lobun tódô sminang.

Kehewà 16:7

Hlafus haya ton ye yóm tey layag Dwata tódô sminang. Deng gotu gungolen ne yóm ktalaw ye ebéléen. Bè ktahuhen, du yóm gónó ye e tmalaw abay se olo me tau mò du yóm gel hloloen kum yó dum kum.”

Sulat Pol Ebè Yó Kem Tau Hemtahu Bè Rom 9:4

Lu se kem Ju deng néléken mò kem ngaen. Tehe tódô hegfan lem blóng le mlan bè yóm tey keDwatahen. Dê duléken mò fasad bélê le ne blayen bélê le yóm kun hlau hlanen bè Musis. Tey mtukul ktoloken du kul yóm kmò ktaba le ebéléen. Ne tey dê yóm fasaden kul.

Kmukum 13:20

Yóm igoen dmilóf eta yóm ofi lemwót bè yóm gónô Manu demsù, tódô ton le Manu ne yehenen yóm hógów Dwata yó koni haway etta bè longit, mung bè dilóf ofi efet tódô lana lem mata le. Timbow tngón le hógów Dwata gu bè longit yóm tau yó koni, tódô le hegluduk bè tonok lewu le yehenen. Ne là bud ton le du ne yóm hógów Dwata yó.