Isikél 1:27 - Udél Dwata: Gna Kesfasad ne Lomi Kesfasad

²⁷ Yóm tau myón tahen yó, lenwóten bè ówóken kól eta hol lómón keslinangen yóm tembaga sminang mélél deng hló, lómón dilóf ofi kmoen. Ne bud lenwóten bè ówóken kól elaan tey sminang knóón hol lómón ke dilóf ofi.

Isikél 1:27 Referans Kwoze

Isikél 1:4

Yóm igou temngel, tódô tonu yóm tey lenos mbel fi gu bwak, mung du yóm tey lobun mfól alì sminang lel yóm tey silà mkal gu lemen. Wen ofi bè gónón sóól yóm lobun yó, mom sminang mélél hol lómón yóm tembaga deng hló.

Hibru 12:29

abay se yóm Dwata tekuy, ke wen tnafaken, hol lómón ke mken yóm tey ofi.

Kem Lingón 97:2

Wen tey lobun ne kifu mget hmilol du. Yóm ktedengen ne yóm kukum tedeng nwiten yóm hembegel yóm kogoten tau.

Kem Lingón 50:3

Mógów edini yóm Dwata tekuy, ne là kóen tódô yem. Wen tey ofi eles tukô gna du, gotu kenen kdéen, ne mbel gu hilolen yóm tey lenos bong.

Dwata 4:24

abay se yóm sana kuy Dwata hol gónó mogot, tey sidek kélés nawahen du ke tólóng dwata tnaba ye. Yóm kebuten hol lómón ke dilóf ofi, tódô himoten kdéen.

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

1 Tutul Israél 16:27

Yó lemibut du yóm tey klinggelen ne yóm tey kegetahen. Yó hol heklóón du yóm kun Gónô, duhen yóm tey kekgisen ne yóm tey ktiloben.

Hbakuk 3:4

Yóm tey keslinangen hol lómón keslinang kdaw. Tódô senflósen smilà gu lem hólólen, yóm gónón hol nô yóm tey kfasangen.